Регион
Се што ќе оставите на плажа во Хрватска ќе ви биде фрлено

Макарска пропишува нови правила за да се регулира однесувањето на туристите и на они кои уживаат во убавините на морето, па така ќе биде забрането „резервирањето“ место на плажа, со оставање крпи, и други реквизити.
Крпите, реквизитите за на плажа и други работи кои ќе бидат оставени без надзор на плажите во Хрватска, ќе се сметаат за напуштени и ќе бидат отстранети.
Станува збор за многу позната метода, која се користи во доцните вечерни часови или рано наутро, кога туристиуте оставаат крпи на плажа за да се заземе најдобро место за уживање во морето и сонцето, подоцна во денот.
Dalmacija News пишува дека на следната седница на макарските градски власти ќе се најде предлогот за Одлука за комунален ред во која стои дека на природните и на уредените плажи е забрането, по користењето на плажата, да се оставаат крпи, реквизити за плажа и други работи со слична намена.
Сите тие ќе се сметаат за напуштени и ќе бидат отстранети./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.