Регион
Сервер: Регионот е нестабилен, тоа се чувствува во Македонија и БиХ

Американскиот аналитичар Даниел Сервер изјави дека регионот е нестабилен, и дека оваа нестабилност се чувствува во Македонија и Босна и Херцеговина (БиХ), пренесуваат српските медиуми.
Американскиот аналитичар Даниел Сервер изјави дека регионот е нестабилен, и дека оваа нестабилност се чувствува во Македонија и Босна и Херцеговина (БиХ), пренесуваат српските медиуми.
Според Сервер, Американците „не се задоволни од процесот на реформи во Босна“. „На Босна ѝ е неопходен систем кој ќе ја подготви за ЕУ. Мора да се одржи и единството на државата, што во односите меѓу Бања Лука и Белград и Сараево и Белград може да биде проблем“, рекол.
Сервер додал дека Србија ја гледа за десет години во ЕУ и потсетил дека земјата веќе има големи бенефиции од Унијата. „Членството е само последниот чекор, но не и најважниот. Вие направивте доста во поглед на прашањето за реформите и за десет години Србија ја гледам таму“, рекол американскиот аналитичар.
Запрашан за тоа дали ЕУ на крајот ќе побара признавање на Косово, тој одговорил потврдно. „Мислам дека така ќе биде. Односно, ЕУ како ЕУ, нема да го побара тоа, бидејќи ова е компетентност на Европската комисија. Но гледајте, таму има 23 земји кои веќе го признаа Косово. Верувам дека многу од нив ќе инсистираат макар на членство во ОН, доколку не стане збор за билатерално признавање и нормализација на дипломатските односи со некои репрезенти на ниво на амбасадори“, објаснил Сервер./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.
Регион
Пожари беснеат на Балканот: илјадници се евакуирани, гори и во близина на популарна туристичка дестинација во Албанија

Пожарникарите денес се обидуваат да изгаснат шумски пожари во три одделни покраини во Турција, Грција, во близина на туристичка дестинација во Албанија, Бугарија, Македонија по неколкудневните интензивни горештини.
Чад се издигаше над планинската црноморска покраина Карабук, околу 200 километри северно од главниот град Анкара, а пожарот, кој беснее веќе шести ден, принуди евакуација на повеќе од десетина села и опустоши делови од шумата. Тројца пожарникари загинаа вчера во северозападната покраина Бурса, објави денес турското Министерство за шумарство.
Пожарникарите денес се борат со два одделни пожари, по евакуацијата на повеќе од 3.600 луѓе од населбите во јужните покраини Мерсин и Анталија. Турција беше место на десетици шумски пожари поради екстремна топлина во последните недели, а минатата недела 10 пожарникари загинаа борејќи се со пожар во централната покраина Ескишехир.
Топлите и суви лета се вообичаени во медитеранскиот регион, но сè поинтензивните топлотни бранови придонесоа за разорни шумски пожари во последните години. Во Грција, десетици пожарникари се борат со пожар што избувна во подножјето на планината Химет во Атина, во близина на универзитетски кампус во густо населено предградие. Најмалку 18 хеликоптери и авиони дејствуваат во областа.
Во Албанија, пожарникарите, со помош на армијата, се обидоа да го стават шумскиот пожар под контрола пред да стигне до крајбрежниот град Саранда и други туристички места на југот од земјата на јонскиот брег. Локалната полиција објави дека во последните три дена уапсила 13 лица за намерно палење.
Бугарија распореди противпожарни авиони за да им помогне на копнените сили во борбата против голем шумски пожар во пошумен југозападен регион, додека во Грција неколку села беа евакуирани, а пет лица беа повредени во одделни пожари за време на викендот, кои беа поттикнати од висока топлина и силни ветрови.
Додека Грција денес се соочува со својот трет топлотен бран, дождот во Србија им помогна на пожарникарите да стават под контрола повеќе од 100 шумски пожари.
Во моментов низ Македонија беснеат 15 пожари на отворено, од кои девет сè уште се активни, а шест се ставени под контрола. Најсериозни се огнените линии кај Прилеп, Василево, Кавадарци, Македонски Брод и Берово, каде гори шума, грмушки и ниска вегетација. На некои места ситуацијата е дополнително отежната поради детонации и непристапен терен. Од друга страна, пожарите кај Штип, Карбинци, Кичево и околината на Куманово се стабилизирани и под надзор. Властите повикуваат на внимателност и воздржување од активности што можат да предизвикаат нови пожари.