Регион
Словенечката државна управа од лето започнува да работи во е-облак

Словенечката државна управа кон средината на ова година ќе премине на работење во ‘компјутерски облак’, напредна технологија за електронско работење, по цели 15 години по донесувањето на првиот закон за е-управа и електронски потпис, а целиот проект чини 14 милиони евра.
Новата платформа е воспоставена кон крајот на минатата година, а ќе стане оперативна кон крајот на јуни.На неа најпрво ќе биде префрлено работењето на финансиските установи, а потоа царинскиот информациски систем, по што ќе следат внатрешни работи и други системи.Инвестицијата тешка 14 милиони евра би требало да се амортизира во рок од три години, а со 85 отсто од средствата ги кофинансираше европскиот Фонд за регионален развој, објави во среда Министерството за јавна управа на Словенија.Воспоставувањето на овој систем, според Министерството, ќе им овозможи на сите корисници на државниот буџет побрзо и поевтино постигнување на бизнис целите, јакнење на капацитетите на услугите и складирање на податоците, како и подобра безбедност и заштита на податоците, а значително ќе се намали можноста за продор во информацискиот систем или пад на одделни владини страници, како што беше случајот со интернет страницата на државната изборна комисија минатиот месец на референдумот за истополови бракови. /крај/он/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.
Регион
Српски бизнисмен брутално претепан во Загреб, крвав лежел пред хотел

Саша Мирковиќ, српски претприемач, музички продуцент и сопственик на „Хајп телевизија“, бил претепан пред хотел во центарот на Загреб, објавија српските медиуми.
Според нивните наводи, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Српски Телеграф објави снимки на кои се гледа како крвавиот Мирковиќ лежи на тротоарот, веднаш по тепачката.
Набрзо пристигнала брза помош и го однела во болница.