Словенечката влада жали што новоименоуваниот арбитар во случајот „Пирански залив“, францускиот експерт Рони Абрахам, се повлекол од позицијата.
 

Словенечката влада жали што новоименоуваниот арбитар во случајот „Пирански залив“, францускиот експерт Рони Абрахам, се повлекол од позицијата.

„Жалиме за оставката на Рони Анрахам на позицијата како арбитар, и не ја разбираме причината. Веруваме дека судот треба да ја продолжи својата работа, а не треба и да и дозволи хрватската арбитража еднострано да се повлече со што би се стопирал процесот“, се вели во соопштението на словенечката влада, за што сметаат дека би било спротивно од основните принципи на арбитражата.

Изразија надеж дека судот ќе продолжи и ќе ја заврши својата работа во согласност со арбитражниот договор. Најавија дек Словенија во дозоленото време ќе назначи нов арбитар.

Ова доаѓа откако хрватската влада со едногласна дозвола од Саборот се повлече од арбитражата за спорот што го имаше со Словенија околу границата кај Пиранскиот Залив и надлежноста на заливските води.

Тоа го направи откако во јавноста протекоа снимки и транскрипти од разговорите меѓу словенечкиот член на арбитражниот суд Јернеј Соколец и словенечката дипломатка оплномоштена претставничка за следење на арбитражата, Симона Дреник, како се договараат за изнесувањето на аргументите и лобирањето кај другите судии на Постојаниот арбитражен суд  во Хаг за постапката за границата меѓу Словенија и Хрватска./крај/мф/бб