Регион
Србија ја зајакнува приправноста на безбедносните служби и војската поради мигрантската криза
Сите српски безбедносни служби се во состојба на подготвеност, а на претседателот Томислав Николиќ му е препорачано да свика седница на Советот за национална безбедност за да со сите капацитетот се одговори на сé покомпликуваната состојба со мигрантската криза во регионот, соопштено е во средата.
Согласно важечките законски решенија, во обезбедувањето повисок степен на безбедност во земјата ќе биде вклучена и српската војска, состојбата на целосна приправност се однесува на сите безбедносни и разузнавачки служби, како и армијата и полицијата, а заедничка задача им е заштитата на границите на Србија, изјави за Б92 српскиот министер за правда Никола Селаковиќ, по вонредната седмица на Бирото за координирање на безбедносните служби којашто започна попладнето во средата.
Селаковиќ ги отфрли нагаѓањата за можното подигнување ограда и ѕидови на границата, истакнувајќи дека „Србија тоа нема да го прави“. Предупредувајќи на фактот дека на границите на ткн балканска рута се појавуваат сé повеќе економски мигранти, Селаковиќ истакна дека кон сите бегалци и мигранти Србија и натаму „хумано ќе се однесува, но ќе се штити себеси и своите интереси“.
Седницата на Бирото за координирање на безбедносните служби во средата ја свика премиерот Александар Вучиќ по повод блокадите на границите на балканската рута, кои предизвика зголемен број мигранти коишто чекаат на граничните премини, а повеќе денови на македонско-српската граница се заглавени неколку стотици имигранти од Авганистан кои Србија не сака да ги прими и ги пропушташе повремено.
Европската комисија порано побара од земјите на балканската рута меѓусебно да ги координираат мерките и да спроведуваат заеднички европски пристап во однос на мигрантската криза.
Во меѓувреме во Белград во средата во две тепачки меѓу мигрантите едно лице е повредено и ограбено, а полицијата засега нема прецизни податоци колку имигранти учествувале во инцидентот, извести Радио-телевизија Србија (РТС).
Еден малолетен Мароканец е повреден со нож откако група од неколку Алжирци го нападнала и ограбила кај автобуската станица во Белград. Во паркот кај централната автобуска станица избувнала тепачка меѓу мигрантите, во инцидентот учествувале повеќе лица, а поводот не е познат, потврдиле за РТС од министерството за внатрешни работи на Србија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Брод со четири лица се преврте на реката Уна во БиХ, две лица испливаа
Денеска околу 7:15 часот полицијата во Сисак добила пријава од граничната полиција на БиХ дека чамец со четири лица се превртел на територијата на Босна и Херцеговина кај градот Вриоци.
Две лица допливале до брегот на Уна на територијата на Босна и Херцеговина, а потрагата по две лица се уште трае.
На местото на настанот излегле припадници на ХГСС со пловен објект, кои со помош на полицијата интензивно трагаат по исчезнати лица.
Регион
Злосторство во Тузла: мајка со чекан си ја убила ќерката, оставила две проштални писма
Незаборавно злосторство се случи во Босна и Херцеговина, пренесуваат локалните медиуми.
64-годишен маж, утринава, околу 1.15 часот во полициската станица ПС Центар пријавил дека во семејниот дом во Тузла го пронашол безживотното тело на 31-годишната ќерка.
Полицијата излегла на самото место и ги потврдила наводите од пријавата за што веднаш било известено Кантоналното обвинителство на Тузланскиот кантон, извести МУП ТК, пренесе „Аваз“.
„Во текот на истрагата е констатирано дека жената имала повреда во задниот дел на главата. Денеска ќе биде наредена обдукција за да се утврди точната причина за смртта“, изјави Адмир Арнаутовиќ, портпарол на Обвинителството ТК.
Според последните информации, како што пренесуваат тамошните медиуми, станува збор за кривично дело, кое, според првите индиции, најверојатно, го извршила мајката на 31-годишна девојка. На самото место истражителите пронашле две проштални писма, како и предметот со кој, сметаат истражителите, е извршено делото. Очигледно се работи за чекан.
Девојката која е убиена наводно била тешко болна.
Регион
(Видео) „Целата беше помодрена од студот“: мајка и ќерка ја опишуваат борбата за живот во поплавите во БиХ
Лејла Залихиќ, жителка на Бутуровиќ Поле, е една од оние што ги преживеаја драматичните поплави во Босна и Херцеговина. Приказната за борбата за нејзиниот и животот на ќерка ѝ Асја ја замрзнува крвта во вените, пренесува„Ал џезира“.
Луѓето се спасуваа како што се снаоѓаа. Некој беше качен на покривот на куќата, некој на куполата на џамијата. За тоа најдобро сведочат приказните на самите локални жители, кои не може да се споредат ниту со најстрашните сценарија на холивудските филмови кога се во прашање природните катастрофи, анализира медиумот.
Borba majke i trinaestogodišnje kćerke u Buturović Polju je herojska. Majka i 13-godišnja kćerka govore o svojoj borbi za život.. pic.twitter.com/aBpfkgZQ1H
— Al Jazeera Balkans (@AJBalkans) October 6, 2024
Според написите, Лејла Залихиќ е мајка херој, која скокнала од третиот кат од својата куќа, испливала три километри во пороите и ја спасила својата 13-годишна ќерка за време на катастрофалните поплави што го зафатија Бутуровиќ Поле.
Лејла, ќерка ѝ, сопругот и свекрвата ноќта на катастрофалните поплави завршиле во поплавата, а нивната куќа била уништена.
По страшниот настан, Лејла и ќерка ѝ раскажале што им се случило.
„Мене ме однесе водата. Се вртев во круг и така зедов воздух“, се присетува Лејла.
„Слушнав како некој вика, викаше за помош и го викаше моето име. Мислев – нема кој друг да биде, освен мајка ми или баба ми“, раскажува ќерката на Лејла, Асја, а Лејла додава:
„Јас велам: „Асја, ти си тоа? Таа вели: „Јас сум“. Потоа добив сила, се нурнав меѓу дрвјата. Ме удри во главата, но некако стигнав до неа, цела беше помодрена од студот“.
Ќерката на Лејла, Асја, се присетува како успеала да остане на површината.
„Ставив малку дрва под мене за да не морам да пливам, туку да се одржувам на површината на водата. Во меѓувреме се раздени, па можев да гледам. Потоа поминавме низ шумата. Дождот удри уште посилно, беше студено, беше страшно“, опишува таа.