Регион
Србија: Оставка на директорот на лотаријата, вработените на полиграф

Директорот на Државната лотарија на Србија (ДСЛ), Александар Вуловиќ поднесе оставка од „морални причини“ , додека вработените во лотаријата биле подвргнати на полиграфско испитување, јави локалните медиуми.
Информацијата за оставката на Вулиќ, која ја пренесе телевизијата Н1, уследи два дена по последното извлекување во играта „Лото“, кое предизвика сомневање во јавноста во регуларноста на играта.
Од Државната лотарија на Србија наведоа дека се било апсолутно регуларно и дека проблемот со извлекувањето на броевите и нивниот приказ за време на ТВ преносот бил од графичка природа, а немало проблем за време на извлекувањето.
Обвинителството најави дека ќе го истражи целиот случај.
Како што дознава Б92 неколку лица од лотаријата кои биле задолжени за организација и извлекување на 59-тото коло од играта на среќа Лото биле на полиграфско испитувања и сите го „минале“полиграфот.
Министерот за полиција Небојша Стефановиќ потврди дека шест лица биле сослушани во врска со сомневањата во регуларноста на извлекувањето и најави дека ќе бидат сослушани уште шест лица.
Стефановиќ информираше запленетата компјутерска опрема и топчињата ќе бидат дадени на вештачење.
Сомневањата во регуларноста на извлекувањето предизвика моментот кога во директниот ТВ пренос, по извлекувањето на три броеви (4,33,12), наместо извлечениот четврти број по ред, бројот 27, на екранот беше испишан бројот 21.Набргу на екранот се појави и петиот број 27, а компјутерот веднаш го пресмета бројот на добитници со пет броеви, а дури потоа од барабанот беше извлечен бројот 21.
Вуловиќ вчера на прес конференција се правдаше дека сѐ се случило поради човечки фактор.
„Наместо да го внесе бројот 27, лицето го внело бројот 21. Во тој миг, веројатнос огледувајќи што има направено, го внесол бројот 27. Значи го внесува бројот на топчето кое излесе. Потоа, по игра на случајот, велам, според некои закони на веројатноста, постоеше можноста да излезе топчето 21 и тоа се случи. Ако мене ме прашувате, тука нема ништи чудно“, рече Вујовиќ. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Турист падна во базен откако му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.
Регион
Пожари беснеат на Балканот: илјадници се евакуирани, гори и во близина на популарна туристичка дестинација во Албанија

Пожарникарите денес се обидуваат да изгаснат шумски пожари во три одделни покраини во Турција, Грција, во близина на туристичка дестинација во Албанија, Бугарија, Македонија по неколкудневните интензивни горештини.
Чад се издигаше над планинската црноморска покраина Карабук, околу 200 километри северно од главниот град Анкара, а пожарот, кој беснее веќе шести ден, принуди евакуација на повеќе од десетина села и опустоши делови од шумата. Тројца пожарникари загинаа вчера во северозападната покраина Бурса, објави денес турското Министерство за шумарство.
Пожарникарите денес се борат со два одделни пожари, по евакуацијата на повеќе од 3.600 луѓе од населбите во јужните покраини Мерсин и Анталија. Турција беше место на десетици шумски пожари поради екстремна топлина во последните недели, а минатата недела 10 пожарникари загинаа борејќи се со пожар во централната покраина Ескишехир.
Топлите и суви лета се вообичаени во медитеранскиот регион, но сè поинтензивните топлотни бранови придонесоа за разорни шумски пожари во последните години. Во Грција, десетици пожарникари се борат со пожар што избувна во подножјето на планината Химет во Атина, во близина на универзитетски кампус во густо населено предградие. Најмалку 18 хеликоптери и авиони дејствуваат во областа.
Во Албанија, пожарникарите, со помош на армијата, се обидоа да го стават шумскиот пожар под контрола пред да стигне до крајбрежниот град Саранда и други туристички места на југот од земјата на јонскиот брег. Локалната полиција објави дека во последните три дена уапсила 13 лица за намерно палење.
Бугарија распореди противпожарни авиони за да им помогне на копнените сили во борбата против голем шумски пожар во пошумен југозападен регион, додека во Грција неколку села беа евакуирани, а пет лица беа повредени во одделни пожари за време на викендот, кои беа поттикнати од висока топлина и силни ветрови.
Додека Грција денес се соочува со својот трет топлотен бран, дождот во Србија им помогна на пожарникарите да стават под контрола повеќе од 100 шумски пожари.
Во моментов низ Македонија беснеат 15 пожари на отворено, од кои девет сè уште се активни, а шест се ставени под контрола. Најсериозни се огнените линии кај Прилеп, Василево, Кавадарци, Македонски Брод и Берово, каде гори шума, грмушки и ниска вегетација. На некои места ситуацијата е дополнително отежната поради детонации и непристапен терен. Од друга страна, пожарите кај Штип, Карбинци, Кичево и околината на Куманово се стабилизирани и под надзор. Властите повикуваат на внимателност и воздржување од активности што можат да предизвикаат нови пожари.
Регион
Русин и Германец снимале голи деца со мобилни телефони во камп на Истра

Полицијата на Истра во саботата уапси двајца мажи, еден Русин и еден Германец, кои тајно снимале голи деца во туристички камп. Двајцата беа однесени во полициската единица за притвор под сомнение за кривично дело експлоатација на деца за порнографија и беа обвинети за кривично дело.
Како што соопшти полицијата денес, во саботата, околу 12.45 часот, обезбедувач во туристички објект во областа Ровињ пронашол 56-годишен руски државјанин како тајно снима голи деца со својот мобилен телефон и го притворил додека не пристигнала полицијата.
Истиот ден околу 14.40 часот обезбедувач во истиот камп пронашол и 52-годишен германски државјанин како тајно снима голи деца со својот мобилен телефон и исто така го притворил додека не пристигнала полицијата.
Врз основа на налог од надлежниот суд полицијата ги претресе сместувачките единици, мобилните телефони со придружните мемориски картички што ги користеле осомничените и пронајде инкриминирачки материјал. Осомничените беа предадени на полициската единица за притвор во Истра вчера попладне со кривични пријави.