Регион
Србија воведе противмерки, го забрани влезот на хрватски стоки
Српскиот министер за внатрешни работи Небојша Стефановиќ објави точно на полноќ на граничниот премин Батровци – Бајаково дека соседна Хрватска не ги исполнила српските барања и дека од полноќ на ниеден граничен премин на заедничката граница нема да биде дозволен влезот на камиони коишто превезуваат хрватски стоки, објави Радиотелевизија Србија (РТС).
„Хрватска не ги исполни барањата и со економската агресија нанесува штети на бизнисмените од двете земји“, го цитира РТС српскиот министер за внатрешни работи на Србија, Небојша Стефановиќ .
„Не сме задоволни со ова, не сме среќни, но тоа се мерки со коишто ја штитиме својата државноста“, порачал Стефановиќ.
„Од овој момент, полицијата на Србија нема да дозволи влегување во Србија на сите гранични премини на ниедно товарно возило со хрватски стоки, без разлика дали тоа се возила од Република Хрватска или од трети земји. Веднаш започнува примената на мерките. Покрај тоа, владата одлучува и за други потези“, додал Стефановиќ.
Белград смета дека хрватските власти немале причина поради бегалската криза еднострано да го затворат граничниот премин Бајаково за товарен транспорт, и тоа беше главната тема на вонредната седница на српската влада. Станува збор за еден од двата сообраќајни коридори кои се многу важни за Србија во нејзината поврзаност со западна Европа.
Пред почетокот на владината седница рано попладнето во средата, српскиот премиер Александар Вучиќ побара од Хрватска да се откаже од одлуката за затворање на преминот Бајаково, предупредувајќи дека, доколку таа блокада потрае, Србија ќе биде принудена да бара меѓународна помош и оти ќе воведе противмерки, за кои рече дека повеќе ќе ја погодат Хрватска отколку Србија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.