Кривичниот суд во Истанбул на кој во петокот започна судењето на двајцата познати новинари кои се опозициски настроени кон исламско конзервативната власт, одлучи расправите да се одржат зад затворени врати поради „националната безбедност“. 

Чан Дундар , главниот уредник на влијателниот дневен весник Cumhuriyet, и Ердем Ѓул, директор на редакцијата во Анкара, обвинети се шпионажа, издавање државни тајна и обид за државен удар поради написот во кој ја обвинуваат владата и тајните служби на Турција за транспортирање на оружје на сириските џихадистичките бунтовници.

Двајцата новинари, на кои им се заканува доживотен затвор, дојдоа пред зградата на судот, каде со аплаузи ги поздравиле околу двесте поддржувачи, колеги и опозициски пратеници и обични граѓани кои ги испратија до влезот во зградата со повиците „Нема да ја замолчите со слободата на говорот“.

Дундар и Ѓул, кои се во притвор повеќе од 90 дена, во мај 2014 година во напис илустриран со фотографии а на интернет изданието и со видеоснимка, објавија дека со камионите на турската разизнавачка служба MIT на радикалните исламистички бинтовници во Сирија им било испорачано оружје во јануири 2014 година, кога полицијата случајно ги запрела за пребарување на товарот.

Инкриминираниот напис предизвика гнев кај претседателот Ердоган и владата, кои негираа дека им даваат каква и да е поддршка на радикалните сунитски исламистички групи кои во соседна Сирија се борат за соборува од власт на алавитскиот (шиитски) претседател Башар ал-Асад. Ердоган тврди дека камионите содржеле помош за Туркмените, туркофона етничка заедница која живее во Сирија, и дека новинарите биле соучесници во „саботирањето“ на таа помош, со цел да му наштетат на неговиот и на угледот на неговата партија.

Сепак притворањето на новинарите предизвика меѓународни осуди и загриженост за слободата на медиумите во Турција.

И покрај ослободувањето од затворот, на двајцата новинари и натаму им се заканува доживотната затворска казна, најтешката предвидена со турскиот кривичен законик, кој а побара судот и одреди датум за почеток на судењето на 25-ти март, и им е забрането да ја напуштаат земјата./крај/мф/сн

Извор: Макфакс