Регион
Тачи: Одбивањето на Белград да дозволи посета ќе предизвика последици
Шефот на косовската дипломатија Хашим Тачи оцени дека одлуката на Србија да не ја одобри неговата посета на Белград е спротивна на дијалогот меѓу Белград и Приштина кој се води во Брисел, пренесува Танјуг.
„Тоа секако ќе има последици“, изјавил Тачи за виенскиот весник Prese, но не прецизирал какви би можеле да бидат тие последици. Тој, сепак, додал дека нема да има директни контрамерки кон српските политичари.
„Однесувањето на Србија кон мене ќе послужи како пример како не треба да се однесуваме со нашите соседи“, додал Тачи, потенцирајќи дека бил изненаден поради тоа што официјален Белград бил против неговата посета.
„Министри од косовската влада ја посетија Србија, а високи претставници од Србија беа и на Косово, и таквите посети веќе не се никаква вест“, нагласил Тачи, потсетувајќи дека неодамна била прославена и двегодишнината од потпишувањето на Бриселскиот договор, и дека во рамките на дијалогот секогаш имало средби на високите претставници од Белград и Приштина во Брисел.
„Зошто тогаш не можеа да го дозволат моето патувањето во Белград?“, запрашал тој.
Тачи рекол дека одбивањето да му се обезбеди престојот во Белград, преставува „закана кон него, косовските претставници во Белград, како и организаторите на конференцијата, и покажуваат една Србија која се уште е заложник на минатото и политика која водеше до најстрашните трагедии и патења“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.