Тројца турски државјани коишто се осомничени дека припаѓаат на терористичка организација се уапсени во грчката престолнина Атина, известија во саботата тамошните власти.
 
 

Тројца турски државјани коишто се осомничени дека припаѓаат на терористичка организација се уапсени во грчката престолнина Атина, известија во саботата тамошните власти.

Две жени и маж биле уапсени во петокот во полициска рација во три различни населби на Атина. Грчките медиуми пишуваат дека уапсените биле припадници на Револуционерен фронт за ослободување на народот (DHKP-C), турска марскистичка организација којашто во Турција, земјите од Европската унија и во САД е сметана за терористичка група.

Најмладата уапсена е 24-годишна девојка, којашто била барана од грчката полиција во рамките на истрагата за потекло на муниција пронајдено во јуни ланската 2013 година во умен чамец во близината на грчкиот остров Иос. По неа Интерпол имал издадено потерница, се наведува во соопштението.

Уапсени се и 48-годишна жена и 40-годишен маж, исто така, осомничени дека ѝ припаѓаат на споменатата терористичка група. Во февруари 2013 година DHKP-C ја презема одговорноста за самоубиствениот бомбашки напад на портирницата од американската амбасада во турската престолнина Анкара, при што загина припадникот на турското обезбедување а две лица беа ранети.

Во февруари годинава во Грција во акција на специјалните единици беа уапсени други четворица припадници на истата турска полиција, потсети полицијата./крај/мф/сн

Извор: Greek Reporter