Регион
Турција ги испрати во САД документите за екстрадиција на Ѓулен
Турското министерство за правосудство испратило во САД документи за екстрадиција на муслиманскиот проповедник Фетулах Ѓулен кого официјална Анкара го обвинува за неуспешниот обид за воен удар од ноќта кон саботата, изјави во вторникот турскиот премиер Бинали Јилдирим кој предупреди дека во прашање е доведено пријателството меѓу двете сојузнички земји.
Пред членовите на својата Партија на правдата и развојот (AKP) премиерот Бинали Јилдирим не прецизирал дали станува збор за официјално барање за предавање на проповедникот Фетулах Ѓулен, кој живее во доброволен егзил во американската сојузна држава Пенсилванија.
Ѓулен кој живее во САД од крајот на 1999 година и чии следбеници од движењето „Хизмет“ турските власти ги обвинуваат како за пропаднатиот пуч така и за создавање „паралелни структури“ во образованието, правосудството, полицијата и армијата, изјави во неделата изјави дека ќе ја почитува евентуалната одлука на американскиот суд да биде екстрадиран во Турција, но истовремено го обвини турскиот претседател Реџеп Тајип Ердоган дека го исценирал обидот за државен удар.
„Навистина воопшто не сум загрижен за екстрадицијата“, порача Ѓулен.
Во врска со ова американскиот државен секретар Џон Кери оцени дека турските власти треба да предадат „релевантни докази“, а не само наводи против Ѓулен кој ја отфрла својата вмешаност.
Портпаролот на американскиот Стејт департмент, Марк Тонер, изјави дека САД не спровеле никаква истрага за тоа дали Ѓулен има каква и да е улога во неуспешниот пуч и дека, колку што знаат американските власти, мирно живее во Пенсилванија.
Јилдирим во понеделникот по седницата на владата го повтори повикот на Анкара до Вашингтон за предавање на Ѓулен велејќи дека „Турција може да го постави прашањето за нејзиното пријателство со САД“.
„Дури и прашањето на нашето пријателство може да биде поставено на дневен ред. Сепак, нашето министерство за правда ќе ги спроведен неопходните чекори“, рече Јулдирим.
Премиерот во понеделникот вечерта, исто така, рече дека нема подобар доказ од обидот за државен удар од 15-ти јули за екстрадицијата на Ѓулен, одговарајќи на барањето на Кери Анкара да достави докази.
„Има ли подобар доказ од ова? Ќе бидеме помалку разочарани доколку нашите пријатели кажат ‘покажете ни докази’, а има членови на оваа организација која сака да ја уништи државата и лице кое има дава инструкции“, рече Јилдирим. Турскиот премиер во вторникот, исто така, рече дека Анкара ќе ја почитува правната држава и владеењето на правото, како и дека нема да биде мотивирана од желбата за одмазда во прогоните на осомничените за учество во неуспешниот државен преврат.
Турските власти досега приведоа повеќе 7.500 осомничени кои ги поврзуваат со неуспешниот воен удар од 15-ти јули во кој според последните податоци се убиени 208 луѓе.
„Никој не смее да биде одмазднички настроен. Такво нешто целосно е неприфатливо во една правна држава. Денес мораме да бидеме обединети“, изјави Јилдирим по средбата со челникот на главната опозициска партија.
Истакнал дека владата во среда ќе донесе значајни одлуки чија цел ќе бидат да ја извлечат земјата од „вонредните околности“, како дека земјата мора да биде претпазлива и да настојува „да ја избегне замката во којашто може да биде вовлечена“ од некои кои би можеле да се обидат да ја искористат моменталната состојба во земјата.
Јилдирим рече дека владата ќе работи на тоа да „гарантира стопроцентна безбедност“ во земјата, но не објави детали,
Изјавите на шефот на турската влада следеа откако телевизиите емитуваа снимки а медиумите објавуваа фотографии на кои се гледа како противниците на пучот жестоко ги тепаат војниците кои се предале.
Турскиот претседател Реџеп Тајип Ердоган во понеделникот изјави дека ќе размисли за повторното воведување на смртната казна укината во 2004 година, доколку тоа го одобри парламентот, а меѓу турските политичари има и приврзаници. Челникот на најголемата опозициска партија Националистичко движење MHP Девлет Бахчели изјави дека ќе ја поддржи владата доколку ја донесе одлуката за воведување на смртната казна./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Кос: На крајот од 2026 година, ЕУ нема да биде поголема, но ќе биде поблиску до проширување
ЕУ ќе мора да ја искористи 2026 година за брзо да се движи кон амбициозно вклучување на Западен Балкан и Источна Европа во своите редови, или сегашната Комисија нема да има време за тоа при крајот на својот мандат, изјави европската комесарка за проширување Марта Кос.
Пред празниците, Кос разговараше со бриселскиот портал Политико за годината што завршува и нејзините очекувања за следната година.
„Ќе биде подобра (2026) од 2025 година“, рече Кос, инсистирајќи дека „дури и 2025 година беше многу успешна“.
Таа, исто така, рече дека во следните 12 месеци ќе бидат неопходни активности за да се обезбеди прием на нови членки на време.
„Зошто мислам така? Прво, тоа е геополитика. Второ, тоа е вистинското вклучување на некои земји-кандидатки“, изјави Кос за Политико.
Европската комесарка, исто така, рече дека не станува збор само за кандидатите, туку и за ЕУ - дали може да се справи со предизвиците.
„Дали е добро за нашата безбедност, дали ги пополнуваме празнините што ги оставивме во минатото? Да! Дали ни треба Украина во ЕУ? Да!“, истакна Марта Кос.
Како што рече словенечката еврокомесарка, до крајот на следната година ЕУ „сè уште нема да биде поголема“, но „ќе завршиме поблиску“ до целта за проширување.
„Веројатно тогаш ќе ги завршиме сите преговори со Црна Гора“, рече Кос.
Црногорскиот претседател Јаков Милатовиќ изјави за Политико дека напредокот на Црна Гора кон пристапувањето во ЕУ мора да се постигне во следната година, ако тоа треба да се постигне за време на мандатот на оваа европска комисија.
Милатовиќ рече дека е оптимист дека за време на шестмесечното претседателство на Кипар во ЕУ од 1 јануари, ќе се формира работна група под покровителство на Советот за изготвување на договорот за пристапување на Црна Гора.
„Тоа е навистина голем чекор. Тоа сигурно ќе значи дека Црна Гора ќе стане 28-ма членка на ЕУ во 2028 година“, рече црногорскиот претседател.
Регион
(Видео) Вучиќ: Дојдeте, стрелајте, направете го тоа, бидејќи во спротивно нема да можете да победите во Србија
Српскиот претседател Александар Вучиќ одговори на повиците за негова ликвидација со N1, пишуваат тамошните медиуми.
Тој на својот Инстаграм профил напиша:
„Тоа би бил единствен случај во историјата, стрелате во човек во чие време вработеноста беше на највисоко ниво, невработеноста на најниско ниво во историјата на Србија. Единствениот пат во историјата на Србија кога имавте стабилен девизен курс на националната валута. Го стрелате човекот во чие време, вашите плати беа највисоки во историјата. Пукате во човек во чие време вашите пензии беа највисоки во историјата. Пукате во човек во чие време беа изградени најмногу патишта. Го стрелате човекот во чие време беа изградени најмногу железници и брзи железници. Го стрелате човекот кој го изгради и го направи сето ова за вас. Со фактот дека вие, со најбесмислената реченица „тоа се наши пари“, се обидувате да релативизирате сè. Само не ме молите да бидам кукавица како вас и да носам превез на очите. Дојдете, пукајте, завршете го тоа, бидејќи поинаку нема да победите во Србија.“
Фото: депозитфотос
Регион
Нафталин предизвикал пожар во банка во Бугарија, гореле пари
Речиси 15.340 евра се запалиле и изгореле во касата на филијала на централната банка во Горна Орјаховица, Бугарија, јауваат локалните медиуми. 86.918 евра, кои исто така биле во трезорот, ги преживеале пламените јазици.
Инцидентот се случил доцна во вторникот попладне. Еден постар маж решил да внесе заштеда од речиси 2.045 евра на својата сметка за да може неговите пари автоматски да се конвертираат во евра по Нова година.
Се покажало дека човекот ги чувал парите во гардеробер, каде што имало и облека третирана со нафталински топчиња. Кога банкнотите биле внесени, тие имале кристали од репелентот, кој е многу токсичен и лесно запалив кога е изложен на топлина.
Банкнотите поминале низ машината за броење и, најверојатно, нафталинот се кренал во воздухот и влегол во клима-уредот. Оттаму, искра влетала во касата, но не ја забележале вработените во банката и парите во трезорот почнале да горат. Се појавил и чад, а откога касата била отворена и во неа влегол кислород, пожарот се разгорел.
Изгорела речиси 1/6 од вкупната сума во касата, која изнесувала приближно 102.264 евра. Нема повредени вработени. Пламенот бил изгаснат од пожарникари, а парите се осигурени. Износот на човекот што го депонирал – 2.045 евра – бил префрлен на неговата сметка – во евра.
По случајот со починатото новороденче на ГАК, Комисијата за стручен надзор констатирала дека реанимациската постапка е спроведена по протокол
Комисијата за стручен надзор за случајот со починатото новороденче на ГАК констатирала дека реанимациската постапка е спроведена по протокол, соопшти...
Се наплаќале ПАП-тестови и други услуги што ги покрива Фондот за здравство: извршени контроли поради претставки од граѓаните
Денес, директорите на Управата за јавни приходи и Фондот за здравствено осигурување одржаа заедничка прес-конференција на која го презентираа извештајот...
Дислокацијата на цементарницата не е проблем, но не може како на шведска маса да бираме што да анализираме, а што не, вели Мицкоски
Премиерот Христијан Мицкоски смета дека решението за воздухот во Скопје е системско, кое ќе понуди алтернативен начин за загревање на...
Мицкоски: Набавени нови 120 полициски возила за униформираната полиција
Безбедноста и расчистувањето на криминалот и корупцијата во државата се наш врвен приоритет како Влада, а Министерството за внатрешни работи...
Беким Сали ја презеде функцијата министер за европски прашања
Денеска, во Министерството за европски прашања беше извршено примопредавање на функцијата министер за европски прашања по вчерашната одлука на Собранието,...
Пановски предупредува: Се шират лажни видеа со мојот лик, не купувајте такви производи
Микробиологот, професор и доктор Никола Пановски преку објава на Фејсбук предупреди дека повторно се шират лажни видеа и реклами со...
Советот на Град Скопје изгласа иницијатива за дислокација на цементарницата „Усје“
Советот на Град Скопје едногласно ја прифати иницијативата за дислокација на цементарницата „Усје“, поднесена од Зелен хуман град, по 13-часовна...
Уапсен кумановец на Табановце, шверцувал стари монети
Полицијата уапси кумановец на Граничниот премин Табановце, во неговото возило биле пронајдени стари монети. Вчера во 20:18 часот на Граничен...
Филипче да одговори дали има удел во бизнисот на Заев за изградба на 42-катницата во Дубаи, бара ВМРО-ДПМНЕ
СДС продолжува на дневна основа да штанца долги, бесмислени и конфузни соопштенија без никаква суштина, но ги нема збор да...
Полска пресретна руски авион над Балтикот, воздушниот простор е нарушен од Белорусија
Полска испрати борбени авиони да пресретнат руски извидувачки авион што леташе близу до нејзиниот воздушен простор над Балтичкото Море и...
Дали Зеленски ќе го исполни барањето на Трамп: Се разгледува одржувањето на претседателски избори
Првиот заменик-претседател на украинскиот парламент, Олександр Корниенко, го објави почетокот на работата на работната група која ќе се занимава со...
Министерот Стоилковиќ објави видео од канцеларија со импровизирани кревети во кои работеле службеници од ДУИ
Министерот за односи меѓу заедниците, Иван Стоилковиќ, објави снимка на социјалните мрежи на која, според него, е прикажана канцеларија во...
Мицкоски: Лага е дека има договор за мигранти, граѓаните да бидат спокојни
„Јавноста да биде спокојна. Сè додека е оваа влада, нелегална миграција, легална миграција, како резултат на пропаднати апликации за азил,...
„Чичко, прскај нè оти така полесно дишеме“: Николов со потресно сведочење за трагедијата во„Пулс“
На денешното судско рочиште за трагедијата во дискотеката „Пулс“, сведокот Дејан Николов, сопственик на автосервис во близина на дискотеката, во...
(Видео) Филипче до Мицкоски: Граѓаните ли се талог затоа што ја критикуваат власта?
Претседателот на СДСМ, Венко Филипче, на денешната седницата за пратенички прашања во Собранието го праша премиерот Христијан Мицкоски дали кога...
Од водите на Вардар извлечено тело на машко лице
Вчера во 14:20 часот во СВР Скопје е пријавено дека околу 11:00 часот во водите на река Вардар, во атар...
Мицкоски: Груби побара да се избрише балансерот и за тоа ДУИ им должи извинување на граѓаните Албанци
Претседателот на Владата, Христијан Мицкоски на денешната собраниска седница за пратенички прашања истакна граѓаните треба да ја знаат вистината дека...
(Видео) Дали Венко, кој има златна виза за Дубаи, е партнер на Заев во градењето на 40-катницата во Дубаи, прашува Манасиевски
„Денес откриваме нови факти за бизнисите на Зоран Заев и Венко Филипче во Дубаи. По сведоштвото од страна на Томе...
Нацев кажа дека не бил во земјата кога се случи пожарот во „Пулс“ и се пожали на медиумски и јавен линч од безбедносни аналфабети
Судот ги слушна воведните зборови на сите 35 физички и три правни лица обвинети за пожарот во кочанската дискотека „Пулс“,...
Ѓорѓиевски за состојбата во која е затекнат Градот: Наследивме катастрофални 40, а сега имаме 400 милиони денари на сметка
На денешната седница на Советот на Град Скопје, Орце Ѓорѓиевски, градоначалник на град Скопје, се обрати со јасна и отворена...
