Турскиот претседател Реџеп Тајип Ердоган најави дека по неуспешниот обид за воен преврат ќе бидат затворени сите институции за образување воен кадар и ќе биде формиран национален универзитет за одбрана.

„Воените школи ќе бидат затворени, во текот на следните неколку дена тоа ќе биде објавено во службениот весник (Resmi Gazete). Тие ќе бидат обединети под покривот на универзитетот за национална одбрана“, изјави претседателот Ердоган во саботата вечерта за телевизијата A Haber.

Ноќта на 15-ти јули, фракција во турските вооружени сили, кои имаат повеќекратна историја на изведување државни удари, во минатото за зачувување на секуларноста на турската Република, се обиде да изврши воен преврат кој до следниот ден утрото беше задушен.

Според последните податоци од турското разузнавање во подготовките за пучот учествувале и околу 600 високи офицери кои се сметаат за блиски на исламскиот проповедник Фетулах Ѓулен кој од 1999 година живее во егзил во САД, а Анкара го обвинува дека формира „паралелни структури“ во државата и стои зад неуспешниот пуч

Во големите чистки кои се одвиваат последните две седмици, најмалку илјада лица се отпуштени или се суспендирани од министерството за одбрана,

Вооружените сили претходно седмицава соопштија дека 8.651 припадника на војската, или околу 1,5 отсто од силите, учествувале во неуспешниот обид за воен удари оти биле користени 35 авиони, од кои 24 борбени, 37 хеликоптери и 246 оклопни возли, вклучително и 74 тенкови. Пучистите, исто така, контролирале три воени брода. Најмалку 7.000 припадници на војската се уапсени, меѓу кои и 160 генерали и адмирали./крај/мф/сн

Извор: Макфакс