На меѓународниот аеродром во Истанбул на екранот за реклами се појави натпис „Шведска, земјата на силувањата“, што претставува одговор на критиките од оваа земја за турското законодавство во областа на сексуалното злоставување во Турција што предизвика дипломатска полемика. 

На информативниот екран кој се наоѓа во просторот за заминувања на истанбулскиот меѓународен аеродром „Мустафа Кемал Ататурк“, патниците можат да прочитаат на турски и на англиски јазик: „Предупредување за патниците! Дали знаете дека Шведска има највисока стапка на силување на светот?“.

Телопот ја прикажува и насловната страница на дневниот весник Gunes со насловот „Шведска, земја на силувањата“.

За ваквите пораки одговорна е приватна компанија, извести агенцијата Anadolu,

Турција минатата седмица дипломатски протестираше на темата на идентична информативна лента на аеродромот во австриската престолнина Виена, на којашто беше испишано „Турција дозволува сексуални односи со деца помали од 15 години“.

Овој скандал подоцна предизвика бурни реакции и меѓу Турција и Шведска. Шведскиот премиер Стефан Лофвен и министерката за надворешни работи Маргот Валстром изнесоа слични критики на адреса на Анкара којашто оваа решително ги отфрли.

Турскиот уставен суд минатиот месец го поткрепи отстранувањето на членот од кривичниот законик според кој сите облици на сексуален однос до деца помлади од 15 години се сметаат за сексуално злоставување.

Тензиите во односите меѓу Турција и земјите од Европската унија зајакнаа откако Брисел реагира на чистките на турските власти по неуспешниот воен удар од 15-ти јули, а особено со Австрија којашто сугерираше да се прекинат престапните преговори со Анкара./крај/мф/сн

Извор: Макфакс