Официјална Анкара има намера многу внимателно да ги истражи наводите дека германското разузнавање ја шпионирало Турција од 2009 година, пренесуваат турските медиуми во неделата повикувајќи се на извори од владејачката партија.

„Сметаме дека тие материјали неопходно треба сериозно да се сфатат (…) Се разбира, нашата влада и министерството за надворешни работи е ја спроведат неопходната истрагата за наводите содржани во написот на списанието (Der Spiegel)“, изјавил за заменик претседателот на владејачката Партија на правдата и развојот (АКР), Мехмет Али Шахин.Притоа Шахин истакнал дека е неопходно „со претпазливост“ да се разгледаат материјалите на германскиот весник, бидејќи станува збор за списание кое не е многу благонаклонето кон Турција и „подготвува многу необјективни информации за партијата, особено за Реџеп Тајип Ердоган“, досегашниот повеќе од децениски премиер кој минатата седмица беше избран за претседател на првите турски избори на кои шефот на државата се избираше со непосредно гласање на избирачите. Претходно магазинот Spiegel објави напис во кој се споменува дека германската Федерална разузнавачка служба BND шпионирала партнерска земја од НАТО, а ги прислушувала и телефонските разговори на поранешната американска државана секретарка Хилари Клинтон и на нејзиниот наследник актуелниот челник на дипломатијата на САД, Џон Кери, чии разговори биле снимени „по грешка“. Во неделата германски владини извори за весникот Frankfurter Allgemeine Sonntagszeitung, прецизираа дека земјата партнер од Алијансата која германското разузнавање ја шпионирало е Турција. Ваквите активности се образложени со тоа што случувањата во Турција имале директно влијание врз германската внатрешна безбедност, имајќи предвид дека во Германија живеат милиони Турци./крај/мф/сн

Извор: Макфакс