Регион
Турција крена борбени авиони поради новиот министер за одбрана на Грција
– Грчкиот министер за одбрана Панос Каменос над островот Имиа
Новиот министер за одбрана на Грција кој доаѓа од помалиот коалициски партнер во владата, националистичката партија Независни Грци, го принуди стариот ривал Турција во петокот да ги крене борбените авиони, бидејќи само неколку дена по преземањето на должноста прелета над ненаселените островчиња близу турскиот брег, поради кои во 1996 година за малку ќе избувнеше војна меѓу двете земји членки на НАТО.
Новиот министер за одбрана на Грција кој доаѓа од помалиот коалициски партнер во владата, националистичката партија Независни Грци, го принуди стариот ривал Турција во петокот да ги крене борбените авиони, бидејќи само неколку дена по преземањето на должноста прелета над ненаселените островчиња близу турскиот брег, поради кои во 1996 година за малку ќе избувнеше војна меѓу двете земји членки на НАТО.
Турските борбени авиони во петокот како очигледна провокација навлегоа во грчкиот воздушен простор каде беа дочекани од грчките ловци, бидејќи новиот грчки министер за одбрана Панос Kаменос со челниците на армијата со хеликоптер леташе над островот Имиа и фрли венец во знак на сеќавање на тројцата грчки офицери кои таму загинаа во хеликоптерска несреќа, соопшти министерството за одбрана на Грција.
Во 1996 година, меѓу Грција и Турција изби сериозна криза поради спорот за територијалната надлежност вез островите Имиа во Додеканскиот архипелаг во Егејското Море. Во близина на островите, кои се на седум километри од турскиот брег, кои Турците ги нарекуваат Кардак, беше насукан брод чиј капетан побарал помош од турските власти, а не од грчките. Грција го оцени навлегувањето на турските спасувачки екипи во овие територијални води како акт на агресија.
Потоа, еден турски новинар кој исто така се истовари на островот, го симна грчкото и го постави турското знаме, а грчките воени морнари повторно го кренаа нивното знаме, додека во близина на Имиа беа концентрирани воени бродови на двете земји. Конфликтот беше запрен по интервенција на меѓународната заедница, особено на САД и на НАТО, но Грција и Турција не се откажуваат до денес од своите територијални претензии на овие води.
Последниве денови од кризата, во областа на конфликтот се урна хеликоптер на грчката морнарица, при што загинаа три грчки офицера. Како причина за несреќата беа наведени технички проблеми и замор на екипажот.
Каменос инаку ја води малата десничарска евроскептична партија Независни Грци, а инцидентот во петокот во грчките и европските медиуми се толкува како укажување дека во врска со прашањата кои не се поврзани со заедничката желба Грција да излезе од програмата за штедење, ќе има тензии во односите внатре во коалицијата со партнерот во власта – коалицијата на радикалната левица Сириза на премиерот Алексис Ципрас.
„Министерот за одбрана замина таму за да го покаже патриотизмот и да им одаде почест на оние кои таму загинаа. Никој тоа не го сторил последните 19 години“, изјави за медиумите портпаролката на Независни Грци, Марина Кисовелони.
Анкара, пак, децидно не потврди дека нејзините борбени авион навлегле во грчкиот воздушен простор. „Напата страна ги презема сите неопходно мерки, но нашиот воздушен простор не е нарушен, па нема потреба од реакција“, се вели во соопштението на турското министерство за надворешни работи дистрибуирано до тамошните медиуми./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.