Вкупно 2016 припадници на турската армија, меѓу кои и девет генерали и натаму се во бегство и властите трагаат по нив и три седмици по неуспешниот обид за воен преврат од ноќта од 15-ти кон 16-ти јули, соопшти во понеделникот портпаролот на владата Нуман Куртулмуш.

„Вкупно 186 припадници на вооружените сили и 30 полицајци се во бегство“, Меѓу нив се и девет генерали“, изјави портпаролот по седницата на турската влада.

Полицијата активно трага по овие лица во рамките на големите откази и суспендирања во Турција по неуспешниот пуч. Анкара овој обид да се собори власта и претседателот Реџеп Тајип Ердоган го припишуваат на исламистичкиот проповедник Фетулах Ѓулен кој од 1999 година е во доброволен егзил во САД, истакна владиниот портпарол Нуман Куртумлуш.

Досега речиси половината генерали во турската армија се сменети, а приведени беа повеќе од 160 генерали и адмирали. Чистките се спроведуваат и во правосудството, образованието, а на удар се и медиумите.

„Целта на обидот за државен удар била предизвикување граѓанска војна во Турција, за потоа да се отворил можноста за окупација на земјата“, рече Куртумлуш без дополнителни појаснувања.

Владиниот портпарол рече дека против десет странски државјани е покрената судска процедура по неуспешниот воен удар, четири лица се обвинети, едно е ослободено, едно е во бегство, додека три лица се ве притвор, дополни портпаролот без да ги наведе нивните државјанства./крај/мф/сн

Извор: Dogan