Регион
Турски воени аташеа побарале азил во Хрватска
Двајца турски воени аташеа побарале политички азил во Хрватска, додека доскорешниот турски амбасадор во Загреб е повлечен од позицијата поради тоа што бил „лице од доверба“ на поранешниот турски премиер Ахмет Давутоглу, пишува загрепскиот весник Вечерњи лист.
Повикувајќи се на извори од турското министерство за надворешни работи, весникот наведува дека доскорешниот амбасадор Ахмет Тута бил повлечен од амбасадорското место поради тоа што не пријавил дека пред 25 години бил запишан во едно од школите на протераниот проповедник Фетула Ѓулен во Турција, иако според законот по пропаднатиот обид за воен удар во јули годинава тој морал да го направи тоа.
Според овие извори на Вечерњи лист, Тута веќе не е на државна функција во Турција, но не е нити уапсен, како што навеле некои хрватски медиуми. И дипломатските извори кои во Хрватска биле во добри односи со семејството на Тута за Вечерњи лист изјавил дека до 10-ти септември се слушале со нив, додека тие биле во Измир.
Претседателот на Здружението на хрватско-турското прјателство, Горан Беус Рихемберг за Вечерњи лист изјавил дека уредно се поздравил со турскиот амбасадор и неговото семејство кон крајот на август во Загреб, бидејќи тие имале авионски лет за враќање во Турција на 27-ми август.
„Се случи нормална процедура на повлекување на амбасадор од една земја. Вистина е дека им беше жал поради тоа што на половина мандат мораа да се вратат во Турција“, рекол Беус по повод пишувањата на неколку хрватски медиуми дека судбината на доскорешниот турски амбасадор е непозната.
За разлика од Тута, пак, двајца турски воени аташеа кои за време на обидот за воен удар се наоѓале во Хрватска, соработувајќи во рамки на мисија на НАТО, одбиле да се вратат во Турција поради страв дека ќе бидат уапсени и побарале политички азил во Хрватска.
Повикувајќи се на независни дипломатски избори, загрепски Национал во вторникот обајвил дека најмалку еден турски дипломат кој до летото бил на функција во Загреб се смета за исчезнат, додека „непознато е што се случи со неодамнешниот турски амбасадор Ахмет Тута и неговата сопруга Мина Тута“. Весникот објавил дека се работи за „брутална одмазда на турскиот претседател Реџеп Тајип Ердоган по неуспешниот обид во јули за воен удар во Турција“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Во семејството не смее да постои ниту една тајна, верувам дека детето е со некого и дека не е надвор“: Јуриќ за случајот со исчезнатата Данка
Основачот на Центарот за исчезнати и малтретирани деца, Игор Јуриќ учествувајќи во емисија во живо кажа нови детали од истрагата за случајот со исчезнатата Данка Илиќ, објаснувајќи зошто потрагата на терен била прекината по 27 часа.
„Не, тоа апсолутно не значи дека некои работи се откриени, напротив, значи само дека нема потреба да се троши работна сила и да се насочува енергија кон тој дел од теренот, кој е целосно и темелно прегледан. Штом немаме дополнителни информации, истрагата продолжува, сега истрагата тргна во друга насока и сега се вршат некои оперативни дејствија поврзани со сознанијата за самата девојка“, изјави Јуриќ.
Тој вели дека во случаите на исчезнување на детето, родителите мора да споделат сè со полицијата, дури и најинтимните семејни тајни, кои можат да бидат важни во тие моменти.
„Кога зборуваме за овие ситуации, кога детето ќе исчезне, едноставно не смее да има никакви тајни во семејните односи, напротив, треба целосно да и помогнете на полицијата. Ако имате каква било ситуација што може да доведе до несакан настан, во случајов исчезнување на мало девојче, мора да кажете сè што знаете“.
Основачот на Центарот за исчезнати и малтретирани деца, вели дека во деновите кога не знаеле каде е неговата ќерка Тијана Јуриќ, посакувал некој да излезе и да побара откуп.
„Навистина верувам и го чекам соопштението на полицијата за да видам кое е конечното решение за оваа драма, но дефинитивно бев среќен што детето не беше пронајдено на тој простор, особено таа прва вечер, бидејќи тешко дека детето може да преживеало таму во тие услови. Кога исчезна Тијана се надевавме дека некој ќе ни побара откуп и дека е жртва на киднапирање, некако сега се надевам дека има шанси детето поради некоја причина да е со некои луѓе и да е уште живо. Таа надеж постои во нашите глави, но од нашето искуство мораме да бидеме подготвени за најлошите вести.
Според него, добро е што е пребарана областа и последната надеж е дека некој е вмешан и дека детето е скриено поради некоја причина.
„Сега очекувам дека оперативците на МУП ќе завршат добра работа и дека конечно ќе ја дознаеме вистинската вистина.
Игор Јуриќ зборуваше и за активирање на системот „Најди ме“.
„Системот го активираат началниците на полициските одделенија, во случајов тоа беше полициското одделение каде што детето исчезна. Кога ќе се процени дека детето е во опасност, системот се активира. Она што беше специфично во овој случај е дека детето е екстремно мало, самите околности беа многу чудни и полицијата брзо реагираше и поради возраста на детето темелно го пребара теренот.
„Полицијата се погрижила да не го загрози дополнително животот на детето и да ги истражи сите околности, детето да не биде жртва на киднапирање, да не се бара откуп и слично, затоа системот бил активиран околу 7: 00 часот“, објаснува тој.
Регион
Полицајци и пожарникари пристигнуваат пред куќата каде што исчезна Данка
Во Бањско Поле во Србија пристигнуваат уште полициски сили и пожарникари во околината на викендичката на семејството Илиќ во близина на која последен пат била видена малата Данка Илиќ по која веќе трет ден се трага.
Покрај пожарникари и полиција, на самото место има и багер, иако сè уште нема официјални информации зошто. Репортерот на српски „Телеграф“ јавува дека полицијата отвора шахти околу куќата на семејството Илиќ.
Како што објави „Телеграф“, полицијата и работниците од ЈКП од утрово го расчистуваат теренот.
Данка Илиќ исчезна во вторникот во 13.45 часот кога мајка ѝ му давала вода на другото дете.
По девојчето 27 часа трагаа припадници на жандармеријата, полицијата, пожарникари, спасувачи, како и многубројни мештани. По 27 часа, српската полиција го прекина пребарувањето на теренот во Бањско Поле.
Регион
Кризата во Бугарија продолжува: никој не може да формира влада, на повидок се нови избори
Претставниците на партијата Има таков народ, денеска, на бугарскиот претседател Румен Радев му го вратија третиот и последен мандат за состав на влада, со што се отвора патот за закажување вонредни парламентарна избори.
Мандатот што ѝ беше врачен на ИТН беше последна шанса за формирање редовна влада во рамките на сегашното Народно собрание, јавува Бугарското радио. Претседателот Радев сега треба да го одреди датумот на предвремените избори за парламентот откога неисполнети му беа вратени трите мандати за формирање влада.
На изборите во април минатата година ГЕРБ освои 69 пратенички мандати, коалицијата предводена од партијата Продолжуваме со промените освои 64 од вкупно 240 места во бугарскиот парламент, а нивните обиди за формирање влада претходно беа неуспешни.
Првиот мандат Радев ѝ го довери на коалицијата ГЕРБ-СДС, но таа не формира влада, мандатарката Марија Габриел се откажа и го врати мандатот.
Вториот мандат за состав на влада му беше доверен на Николај Денков.
Третиот мандат за состав на влада, според бугарскиот Устав, претседателот го доверува на една од другите парламентарни сили, по негова дискреција, во рок од 7 дена. Според Уставот, доколку не се постигне договор за формирање влада, претседателот по консултација со пратеничките групи назначува преодна влада и распишува нови предвремени избори во рок од 2 месеца.