Партијата на премиерот Албин Курти е на пат да победи на парламентарните избори, но тој најверојатно нема да може самостојно да формира влада, покажуваат излезните анкети.

Првите излезни анкети што ги објави приштинската телевизија Клан Косова, спроведени од „Ипсос“, покажуваат дека на парламентарните избори во Косово најмногу гласови добило Движењето Самоопределување (ВВ) на Албин Курти – 38,2 отсто или 43 пратенички места.

Следува Демократската партија на Косово (ПДК) Мемли Красниќи со 22,4 отсто или 25 пратенички места и Демократската лига на Косово (ЛДК) на Лумир Абдиџику со 20,1 отсто или 23 пратенички места.

Изборниот праг од пет проценти го омина и Алијансата за иднината на Косово (ААК) на Рамуш Харадинај во коалиција со Социјалдемократската иницијатива со 7,6 отсто или 9 пратенички места.

Претставниците на српските и другите малцински заедници, исто така, ќе добијат по десет места, вкупно 20 во 120-члениот косовски парламент.

Анкетата ја спровеле повеќе од 100 анкетари во 400 гласачки центри, на примерок од 8.000 лица.

Слични резултати дадоа и анкетите спроведени од Газета експрес, ТВ7 и РТВ Дукаѓини.

Претходно, проекција за изборите објави и Коха, според која ВВ ќе освои 42,3%, ПДК 21,3%, ЛДК 20,4%, а ААК 6,3% од гласовите.

На денешните први редовни, а вкупно девети парламентарни избори во Косово од прогласувањето на независноста, се гласаше на 2.533 гласачки места, а право глас имаа 1.970.944 лица во самото Косово и 104.924 во дијаспората. Косовските граѓани во странство гласаа вчера во 30 дипломатски претставништва, лоцирани во 19 различни земји.

Централната изборна комисија соопшти дека по обработени 90 отсто од гласачките ливчиња, одѕивот е околу 40 отсто.

На изборите учествуваат 28 политички субјекти, од кои 20 политички партии, пет коалиции, две граѓански иницијативи и еден независен кандидат.

Тричасовните блокади на три главни патишта во Нови Сад завршија денес попладне, носејќи со себе силен протестен знак за државните институции: „100 дена – 0 одговори“. Студентите кои го организираа протестот побараа одговорност по повод трагедијата на Железничката станица, каде што загинаа 15 лица, а двајца беа тешко повредени. Блокадите беа поставени како знак на незадоволство од недостигот на реакција од властите по 100 дена од несреќата.

„Сто дена од падот на настрешницата, сто дена борба за правда и одговорност“, изјавија демонстрантите кои изразија револт поради долгото молчење од надлежните институции. Во знак на почит на жртвите, протестантите ги започнаа блокадите на клучните сообраќајни крстосници во Нови Сад, свирејќи со вувузели и труби, а по тоа го оддадоа својот 15-минутен молк.

Блокирани беа правците од Зрењанин и Темерин кон Нови Сад, како и улицата Руменачка која води кон автопатот. Другата локација која беше блокирана беше магистралата во местото Парагово. Блокадите привлекоа дополнителни учесници – земјоделци на трактори и моторџии – кои ја поддржаа студентската иницијатива.

Протестите се проширија низ целата Србија. Во Белград, студентите ги блокираа мостот Газела и пуштија 15 бели рози во реката Сава како симбол на жртвите. Во Ниш, протестите се фокусираа на наплатната рампа „Ниш-север“, каде студентите најавија продолжување на блокадата.

Како што најавија организаторите, големи демонстрации ќе се одржат на 15 февруари, на Денот на државноста на Србија, во Крагуевац, за да се продолжи борбата за правда и одговорност.

Како што беше објавено вчера, на патот кон Мокрин, возилото во кое патувал српскиот претседател Александар Вучиќ наводно доживеало неочекуван инцидент, при што било објавено дека гумата на автомобилот му се дупнала. Сепак, од Претседателството потврдуваат дека тоа не се случило, а автомобилот на Вучиќ всушност не доживеал проблем со гумата.

Како што е потврдено, целото тркало отпаднало од автомобилот.

„Среќа е што во тој момент немаше возила што доаѓаа од спротивната насока. Беше навистина фантастична реакција на припадникот на Кобра кој возеше и реагираше професионално, одговорно. Да не претпоставуваме или шпекулираме, кога ќе се случи вакво нешто, мора да се утврди како се случило, особено кога тоа ќе се случи со претседателот на државата“, изјави за новинарите премиерот Вучевиќ на саем во Нови сад, пренесе Телеграф.

Како што истакна, не е прашање дали се работи за Александар, Милош, Јелена, Ана, Милица, туку „прашање е дека претседателот на државата е тој што се движи под посебен режим, а неговото возило мора да има посебни безбедносни услови“.

Тој додаде дека треба да се зајакнат безбедносните мерки за српскиот претседател.

Српскиот претседател Александар Вучиќ на шега вчера на митингот во Кикинда изјави дека му пукнала гумата на пат кон Мокрин, но од Претседателството потврдиле дека не се работело за гума, туку за целото тркало.

Снимка од автомобилот во кој се вози претседателот на Србија загрижи многумина.

Автомобилот се излизгал, а потоа само му паднала гумата. Иако Вучиќ рече дека тоа не е ништо сериозно, во јавноста се појави загриженост со оглед на тоа што строго се внимава на безбедноста на највисоките државни функционери не само во Србија, туку тоа е правило во секоја земја во светот.

pic.twitter.com/5CMcyZ0wpX

— AMiros (@miros_an27575) February 8, 2025