Регион
Туск и Орешковиќ за почитување на Шенген и помош на Македонија
Нема алтернатива за шенгенскиот режим, во решавањето на мигрантската криза, се согласија во средата во Загреб претседателот на Европскиот совет Доналд Туск и неговиот домаќин хрватскиот премиер Тихомир Орешковиќ и ветија поголема помош за Македонија соочена со големиот прилив бегалци на нејзината јужна граница.
„Ќе бидам сосема јасен, шенгенските правила немаат алтернатива, само почитувањето на Шенгенот може да претставува основа за сеопфатното европско решение“, изјави Туск на заедничката прес-конференција со Орешковиќ во Загреб пред неговото заминување за Скопје, пренесува агенцијата Hina.
Претседателот на Европскиот совет Доналд Туск пристигна во Загреб во рамките на турнејата по земјите од ткн балканска рута, а пред самитите со Турција и Европскиот совет кои ќе се одржат на 7-ми март, како и на 18-ти и 19-ти мар. На овие средби на врвот се очекува да биде донесен сеопфатен европски план за миграциската криза.
Европските челници се противат на, како што велат, едностраните ограничувања и бараат приливот на имигрантите да се запре во Турција и на границата меѓу Турција и Грција.
Хрватскиот премиер изјавил дека „треба да се поддржат шенгенските правила“ и „максимално да ѝ се помогне на Грција на којашто паѓа најголемиот товар од бегалската криза“. И трето, истакнал Орешковиќ, тоа е поддршката за Македонија на којашто Хрватска на помош веќе ѝ испратила полициски сили.
Поради ограничувањата во протокот на имигрантите и коишто прва ги воведе Австрија, а ги следеа другите земји на балканската рута, на грчко-македонската граница се опишува како хаотична, а се преценува дека на граничната линија има околу 20.000 бегалци.
Туск смета дека на Македонија ѝ е неопходна помош во управувањето со кризата којашто „го тестира нашето единство и предизвикува тензии во ЕУ и во регија“.
„ЕУ ја разбира тешката ситуација на владата во Скопје која не смееме и не можеме да ја оставиме сама во оваа ситуација. Мораме да ги мобилизираме членките во решавањето на хуманитарната криза во Грција и во другите балкански земји“, изјавил челникот на ЕК непосредно пред да замина за македонска престолнина каде што подоцна во средата попладне ќе се сретне со претседателот Ѓорге Иванов/
Упорно останувајќи на Шенген, Туск го повторил ставот на Брисел дека мигрантската криза не може да се реши со еднострани мерки, туку со посилна заштитата на надворешните граница на ЕУ, функционирањето на собирните центри во Грција и распоредувањето на имигрантите и бегалците на другите членки на ЕУ.
„Мораме да ја избегнеме заблудата дека постои некакво поинакво европско решение освен почитувањето на шенгенските прописи. Таа нема да ја реши кризата, но без нив немаме шанса тоа да го решиме“, порачал Туск, за кого, исто така, нема алтернатива и соработката со Анкара с која ЕУ има постигнато акционен кој засега не се спроведува./крај/мф/сн
Извор: (Hina)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.