Регион
Унгарија ќе гради уште една ограда на границата со Србија
Унгарија планира да изгради уште една ограда на јужната граница со Србија за да спречи влез на мигрантите, изјави во петок унарскиот премиер Виктор Орбан.
Тој изјави дека новата ограда, којашто ќе биде изградена покрај веќе постоечката, ќе ја зајакне одбраната за да се спречи евентуален прилив на стотици илјади луѓе доколку се промени турската политика кон мигрантското прашање.„Во тек се технички подготовки за подгање на обемниот одбрамбен систем покрај веќе постоечката линија на одбраната којашто беше изградена минатата година“ изјавил Орбан за радио станицата „Кошут“.Британската агенција Ројтерс, којашто ја пренесува изјавата на Орбан, наведува дека подигнатата ограда со Србија и Хрватска значајно го намалила приливот на мигранти. Орбан вели дека Унгарија мора да се подготви во случај да пропадне договорот меѓу Турција и Европската унија и истакна дека новата ограда ќе биде изградена со помош на најмодерна технологија. „Ако не може со убаво, ќе мораме да ги запеме со сила и тоа и ќе го направиме“ порача Орбан. Унгарија, како што најави Орбан, ќе го засили и присуството на полицијата од 44.000 на 47.000 полицајци, од кои 3.000 постојано ќе бидат распордени на јужната граница.Според него, во интерес на Европа е да соработува со Турција и да се постигне договор за прашаањата за европската безбедност. „Земјите од централна Европа би требало да ги здружат силите и да ја заштитат српско-македонската и македонско – грчката граница. Со европска помош може да се обезбедат и надворешните граници на Грција“, изјавил Орбан.Во текот на денот Орбан, заедно со премиерите на централноевропские земји и членовите на „Вишеградската група“, ќе се состанат во Варшава со германската канцеларка, Ангела Меркел. Орбан вели дека задача на политичарите е да ја променат одлуката на ЕУ за распределабата намигрантие по земјите по принципот на квоти. „Прашање е дали Ангела Меркел има волја заедно со нас да ја измени оваа погрешна политика на Брисел“, додаде Орбан./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.