Државната полициска агенција SIPA во БиХ во меѓународна антитерористичка акција во петокот уапсила тројца босанскохерцеговски и еден шведски државјанин кои кај себе имале експлозивна направа која требало да ја достават во една скандинавска земја за извршување терористички напад, соопшти SIPA.

Во соработка со полициските агенции од Шведска и Холандија, како и со полицијата на ентитетот Република Српска, во погранична област уапсени три лица и спречени се во префрлување на импровизирана експлозивна направа преку граничен премин. Едно лице истовремено е уапсени на подрачјето на Сараево, се наведува во соопштението на SIPA.

Уапсените се осомничени за тероризам, и дека по нарачка на територијата на Босна и Херцеговина изработиле експлозивна направа којашто планирале да ја испорачаат во една од скандинавските земји поради извршување терористички напад, се истакнува во споменатото соопштение.

Од SIPA објавија дека во акцијата под кодно име „Бенелукс“ која била спроведена по налог на Државното обвинителство на БиХ се уапсени лица кои се идентификувани само со иницијали и на возраст од 40 до 53 години. Се додава дека во тек се претреси на локации на подрачјето на Сараево за пронаоѓање и одземање предмети кои може да послужат како докази во натамошната постапка. /крај/мф/сн

Извор: Dnevni Avaz