Регион
Во борбите во источна Турција убиени 7 специјалци и 20 ранети

Во жестоките борби меѓу курдските бунтовници и турските полициски сили кои во неделата се разгореа во Ширнак, главен град на истоимената покраина источна Турција, седум специјалци се убиени, пренесе курдската агенција ANF.
Според агенцијата, во борбите започнати ноќта кон неделата на пет различни локации истовремено, кои ги започнале курдските милиции YPG, со единците на турската специјална полиција изведувајќи напади врз седиштето на покраинската полиција, полициска касарна и интернат во кој се сместени полицајци. Седум специјалци биле убиени, а уште дваесет биле ранети. Курдските герилци во овој напад загубиле двајца борци, според агенцијата.
Курдската агенција јавува дека во неделата продолжуваат борбите во неколку делови од градот.
Градот Ширнак е главен град на истоимената турска покраина која е на границата со Сирија и со Ирак. Градовите покраини Силопе и Џизре, како и Ширнак, од минатата зима станаа центри на интензивните судири меѓу турските безбедносни сили и курдските герилци.
Курдските борци ги користат деловите од соседните Ирак и Сирија, за подготовка на нападите врз турските сили. Турција возвраќа со артилериски и воздушни бомбардирања врз задграничните бази на забранетата Работничка партија на Курдистан (PKK)./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.