Регион
Во експлозијата во Истанбул 44 загинати, над 240 уапсени
Бројот загинати во двојниот терористички напад во турската метропола Истанбул во саботата ноќта се искачи 44 луѓе пренесува телевизијата Haberturk, а откако курдската милитантна група ја презема одговорноста за експлозиите турските власти уапсија околу 240 луѓе, од кои повеќето се членови на прокурдската Народната демократска партија (HDP), за наводна поврзаност со радикалите од Курдските соколи на слободата (ТАК).
Според податоците од понеделникот, неколку тешко повредени починале во болниците. Претходно беа потврдени 39 жртви. Во болниците уште се згрижени повеќе од 150 луѓе, од кои неколку се во критична состојба.
Големиот терористички напад се случи во европскиот дел на Истанбул во саботата 10-ти декември ноќта. Наспроти стадионот „Водафон арена“ каде игра фудбалскиот клуб Бешикташ експлодираа две бомби. Една била автомобил бомба која експлодирала кога минувал автобус со припадници на специјалната полиција, а втората експлозивна направа ја активирал бомбаш самоубиец во паркот близу стадионот. Триесет од загинатите се полицајци, а другите се цивили.
Одговорноста за терористичкиот напад ја презема групата Курдски соколи на слободата (ТАК), која турските власти ја сметаат за ултрарадикално крило на забранетата Работничка партија а Курдистан (PKK). Турските власти соопштија дека „собраните докази со голема веројатност укажуваат на вмешаност на PKK“ во експлозиите.
Министерството за внатрешни работи на Турција во понеделникот соопшти дека приведувањата на осомничени биле спроведени во 11 покраина, и потврдува дека се 235 лица се уапсени под обвинение за „ширење на пропаганда на терористичка организација“ преку социјалните мрежи и дејствување во името на забранетата PKK.
Меѓу уапсените речиси 120 луѓе се претставници на партијата HDP, втората по големи опозициска партија во турскиот парламент.
Истовремено во понеделникот турски борбени авиони извршија воздушни напади во планинските области на северен Ирак, каде што се базите на PKK. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.