Регион
Во Грција ќе заглават 70.000 бегалци?!
Грција предупреди дека бројот на мигрантите и на бегалците на нејзина територија може тројно да се зголеми следниот месеци да достигне до 70.000, откако балканските полицајци не дозволуваат поголем број мигранти да ги преминат границите, па илјадници останаа „заробени“ во земјата.
„Пресметавме дека во нашата земја бројот на оние кои се „заробени“ ќе биде од 50.000 до 70.000 следниот месец“, вели Јанис Моузалис, министер за миграција. „Денеска, овде има 22.000 бегалци и мигранти“, вели тој во интервју за Mega Channel TV.Околу 6.500 луѓе беа заглавени во кампот во Идомени, на грчката страна од границата со македонија о неделата, откако македонските гранични контроли пропуштија само 300 мигранти да поминат, ден пред тоа. Според грчката полицијата, во неделата границата за поминување мигранти остана затворена.Неколку стотини бегалци протестираа на железничката прга во близина на Идомени, јави фотограф на AFP.Зголемувањето на бегалците во кампот, кае има место за 1.500 луѓе, почна порано минатата недела, кога Македонија почна да ги одбива авганистанските бегалци и да бара поригорозни контроли на документите на бегалците од Сирија и од ирак.Но, се очекува ситуацијата да се вложи откако членките на ЕУ, Словенија и Хрватска, како и Србија и македонија, поставија граница од 580 бегалци дневно, кои ќе можат да ги поминат границите.Ваквата граница се постави по одлуката за намалување на бројот бегалци кои транзитираат кон Германија и Скандинавија или сакаат да останат во Австрија.Австрија одлучи дневно да дозволи 80 бегалци да побараат азил и да пуштаат 3.200 мигранти кои транзитираат натаму.Ова резултираше со негативен ефект врз Грција, каде мигрантите пристигаат најмногу од соседна Турција.Илјадници, вклучително и деца, чекаат да влезат во некоја од земјите на Европската Унија, во најголемата бегалска криза што го има зафатено континентот од Втората светска војна наваму./крај/мф/бб
Извор: Total
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.