Регион
Во Истанбул големи протести, во Анкара можеби 97 мртви
Во двете експлозии кои одекнаа во главниот град Анкара во саботата утрото на почетокот од протесната поворка на која требаа да бидат истакнати барањата за мир во југоисточниот дел на Турција, имало 97 загинати изјавиле за агенцијата ANSA извори од опозициската Национална демократска партија (HDP), меѓутоа и натаму инсистираат на 86 жртви и околу 200 ранети, а во метрополата Истанбул најмалку 10.000 луѓе протестираа во саботата навечер сметајќи ја власта за одговорна за двојниот бомбашки напад.
Носејќи голем транспарент со натпис „Знаеме кои се убијците“, демонстрантите го исвиркаа турскиот претседател Реџеп Тајип Ердоган, и неговата владејачка Партија на правдата и развојот (AKP), која е на власт од 2002 година.
„Ердоган убиец“ и „Мирот ќе надвладеат“, се некои од слоганите кои беа извикувани демонстрантите на авенијата Истикал, големата пешачка зона во срцето на европскиот дел на Истанбул, пренесува AFP. По должина на авенијата се распоредени силни полициски единици, но соберот измина без инциденти.
Во саботата попладнето беа одржани уште неколку слични собири во Дијарбекир ма мнозински курдскиот југоисток на Турција, каде дојде до судири со полицијата која употреби солзавец. Протести имаше и во Измир, Батман, Урфа и Ван./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.