Регион
Во Истанбул при полетување експлодираше мотор на авион

Еден од моторите на авион на иранската воздухопловна компанија „Qeshm Airlines“, експлодирал во петокот утрото за време на полетувањето од меѓународниот аеродром „Ататурк“ крај Истанбул, пренесуваат турските медиуми.
„Десниот мотор на авионот ‘Airbus-300B4’ експлодирал на пистата при достигнувањето на потребната брзина. Пилотот успеал да го сопре авионот пред огнот да го зафати целиот мотор“, се наведува во соопштението што го цитира агенцијата Dogan.
Кон авионот веднаш биле испратени неколку противпожарни возила, како и спасувачки и медицински екипи, дежурни на аеродромот. Според извештаите, нема ниеден повреден патник или член на екипажот. Сите биле вратени во аеродромската страна, а подоцна со друг лет заминале кон нивната дестинација, иранската престолнина Техеран.
Очевидци за агенцијата изјавиле дека експлозијата се слушнала непосредно пред пилотот да започне со кревањето на леталото во зоната на полетувањето, кога моторот експлодирал и се запалил. Многу делови од моторот биле расфрлени по пистата, но таа набрзо во 5 часот изутрина била расчистена./крај/мф/сн
Извор: Doğan News Agency
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.