Регион
Во Косово уапсени 13 лица поради ширење верска омраза
Во апсењата во Косово кои започнаа во средата наутро со апсењето на имамот на Големата џамија во Приштина, Шефкет Рамиќи и лидерот на Исламската партија ЛИСБА, Фуад Рамиќи, бројката достигна 13 лица.
Косовската полиција информираше дека по апсењата на Шефкет и Фуад Рамиќи, притворени се уште 11 лица од кои најголемиот број се оџи во џамии во Косово. Според истражните органи, тие се обвинети за ширење на верска омраза, посредување на млади за заминување во Сирија и Ирак и поттикнување на тероризам.
Пред извесно време во Косово беа притворени околу 40 лица, исто така имами, но и млади кои биле на боиштата на страна на терористите во Сирија и Ирак./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Албанија
Земјотрес со јачина од 3,8 степени според Рихтеровата скала е регистриран вечерва во 20 часот и 11 минути во Албанија.
Потресот се наоѓа на длабочина од приближно 15 километри под површината на земјата.
Засега нема извештаи за материјална штета или повредени, а надлежните служби ја следат состојбата.
Регион
Aлбанија лани ја посетиле рекорден број туристи
Над 11,7 милиони странски туристи ја посетиле Албанија во 2024 година, за 15,2 отсто повеќе од 2023 година, соопшти албанската министерка за туризам Мирела Кумбаро.
Таа на Фејсбук напиша дека, покрај зголемувањето на пристигнувањето туристи од земјите во регионот, Албанија во 2024 година го потврди растот и стабилноста на туристичкиот пазар на гости Италија, Германија, Франција и Обединетото Кралство, како и проширување на картата на далечните азиски и американски пазари.
Приходите од туризмот во првите девет месеци од минатата година достигнале над 3,8 милијарди евра, што е резултат на подобрувањето на стандардите на сместувачките структури.
Регион
Земјотрес во Грција
Земјотрес со јачина од 3,2 степени според Рихтеровата скала е регистриран денеска во 17 часот и 37 минути во областа на Крит, најголемиот остров во Грција.
Епицентарот на земјотресот, според податоците на Европско-медитеранскиот сеизмолошки центар, се наоѓа на длабочина од околу еден километар под површината на земјата.
Засега нема извештаи за материјална штета или повредени, а надлежните служби ја следат состојбата.