Регион
Во Приштина првата Парада на гордоста во историјата организирана во тајност

Неколку стотици лица минаа низ центарот на косовската престолнина Приштина по повод првата Парада на гордоста во историјата на Косово, подготвувана во најголема тајност, пренесуваат тамошните медиуми.
Организаторите сакале да избегнат инцидентите во земји во која 90 отсто од двата милиона жители се од муслиманска вероисповед, се истакнува во извештајот на AFP.
Покрај припадниците на ЛГБТ заедницата, во центарот на Приштина мина и косовскиот претседател Хашим Тачи, високи политички функционери и странски дипломати, меѓу кои амбасадорите на САД и Велика Британија.
„ЛГБТ организациите го повикуваат косовското општество да ја искорени хомофобијата и да ги почитува, заедно со институциите, правата на ЛГБТ заедницата. Сексуалната ориентација не би смеела да биде причина за дискриминација“, се наведува во соопштението на организаторите на приштинската Парада на гордоста…
Претседателот Хашим Тачи, пак, за медиумите изјави дека сите граѓани на Косово треба да имаат исти права.
Косовскиот устав, инаку, ја забранува дискриминацијата на припадниците на ЛГБТ заедницата./крај/мф/мн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.