Регион
Во Сирија и Ирак војуваат 150 државјани од БиХ

Полицијата во Босна и Херцеговина засилено собира информации за државјаните кои како доброволци учествуваат во судрите во странство, но досега ниеден од нив не е кривично гонет, иако за тоа според новиот казнен закон во БиХ може да се добијат и до десет години затвор, пренесува во средата сараевскиот дневен весник Dnevni avaz.
Повикувајќи се на разузнавачки извори во тајните служби на БиХ, весникот тврди дека на боиштата во Ирак и во Сирија во моментот на страната на сунитските радикални групи се борат околу 150 босанскохерцеговски државјани. Покрај нив, во кризните области заминале и дваесет жени и деца, членови на нивните семејства. Процените зборуваат дека досега дваесетина државјани на БиХ загинале на боиштата во Сирија, додека во земјата се вратиле педесетина лица кои учествувале во тамошните борби.Обвинителството на БиХ во мај годинава до парламентот на Федерацијата БиХ достави информација во којашто беа наведени процените дека лицата кои се враќаат во земјата по учеството во вооружените конфликти во странство претставуваат реална закана за внатрешната безбедност на земјата.Обвинителството на БиХ не излезе во јавноста со информациите за истрагите против радикалните исламисти, но од Државната агенција за истрага и заштита (SIPA) беше појаснето дека тие во координација со државното обвинителство континуирано собираат информации за заминување на државјаните на БиХ на боиштата во странство. Сега таквите активности, како што Dnevni avaz ги цитира изворите од SIPA, се „интензивирале“.Согласно измените на кривичниот закон на БиХ кои државниот парламент ги усвои во јуни е пропишана казна до десет години затвор за државјаните на оваа земја кои учествуваат во странски воени, паравоени или параполициски структури. Пет години затвор ќе добијат лица за коишто ќе се утврди дека го организираат заминувањето на државјаните на БиХ на боиштата во странство. Предвидена е и казна за оние коишто преку медиумите го промовираат заминувањето на странските боишта и за тоа кривично дело во БиХ може да се добијат до четири години затвор./крај/мф/сн
Извор: Dnevni avaz
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин