Контакт

Регион

Во Србија одбележана 10-годишнината од смртта на Слободан Милошевиќ

Објавено пред

Во Србија во петокот, без многу внимание од медиумите и јавноста, се одбележа десетгодишнината од смртта на поранешниот челник Слободан Милошевиќ, кој почина во притворот на Меѓународниот суд за воени злосторства сторени во поранешна Југославија, каде што му беше судено за воени злосторства.

dobivaj vesti na viber

Претседателот на Социјалистичката партија на Србија (СПС) и поранешен близок соработник на Слободан Милошевиќ, Ивица Дачиќ во авторскиот текст за Вечерње новости напиша дека десетте години од смртта на Милошевиќ е малку за историски суд, но дека сите негови соработници и партнери денес знаат дека без него не би ја имало оваа поинаква Србија.

„Новиот век започна без него (Милошевиќ) како политичар, но првите десет години од новиот милениум ги одбележа, покрај трагичниот крај на (убиениот во атентат во 2003 година премиерот Зоран) Ѓинѓиќ и смртта на Милошевиќ“, оценува Дачиќ.

Вели дека десет години по смртта на Милошевиќ Србија изгледа поинаку и дека е поблиску до европската унија, со доверба и почит стекнати во светот, пријателство со Русија и преговори со Приштина.

На гробот на Слободан Милошевиќ во неговиот роден Пожаревац венци и цвеќе положија и почесниот претседателот на СПС, Милутн Мркоњиќ, претседателот на Движењето на социјалистите (ПС) и министер за труд и социјална грижа Александар Вулин, поранешниот соработник на српскиот претседател и осуденик во Хаг и поранешен премиер на Србија, Никола Шаиновиќ, познатиот адвокат тома фила, како и челникот на Српската радикална партија (СРС), исто така, обвинет во Хаг, Воислав Шешељ.

„Србија неправедно се одрече и неправедно го заборави Слободан Милошевиќ, а државата крајно недолично се однесе кон поранешниот претседател кога не дозволи да биде погребан како државник“, оцени Мркоњиќ за весникот Данас.

Вулин, поранешен портпарол на партијата Југословенска левица (ЈУЛ) на Мира Марковиќ, сопругата на Милошевиќ, оцени дека една деценија „не е доволно време за историјата да го даде конечниот суд за некој или за времето во коешто живее, но дека е повеќе отколку доволно лагите кои за него се говореа и на чија основа е урнат, засекогаш да се е растурат“.

„Вистината за Милошевиќ е во овој народ доволно долго и доволно длабоко и таа не може да се промени“, вели Вулин чие Движење на социјалистите е дел од владејачката Српска напредна партија (СНС).

Вулин смета дека Милошевиќ занел да згреши во изборот на своите пријатели, но дека „непријателите непогрешливо го бира него“. „Милошевиќ го напаѓаа поради Србија, а не ја напаѓаа Србија поради Милошевиќ“, вели Вулин кој смета дека семејството на Милошевиќ треба да се врати во Србија и „да добие барем елементарна претпоставка за невиност како и секое друго човечко суштество“.

По повод предлогот на семејството Милошевиќ да му се овозможи враќање во Србија, Мркоњиќ смета дека „од владата во која се СНС и СПС треба да се очекува таква одлука“, ни дека „претходните влади предводени од Демократската партија (ДС) тоа не го сакаа“. „Поинаква Србија, сепак, не би ја имало без него, и да немавме што да научиме до сето она што го работеше, и од неговите грешки и од неговите правилни потези“, оцени.

Милошевиќ почина од инфаркт во притворот на Хашкиот трибунал во текот на судењето за воени злосторства и злосторства против човечноста на територијата на поранешна Југославија. Тогашните српски власти не дозволија да биде погребан во Белград со државни почести, па е закопан во дворот на семејната куќа во родниот Пожаревац, во самрак, а на погребот не присуствуваше никој од членовите на потесното семејство, бидејќи „не добија доволно гаранции за нивната безбедност“.

Неговата сопруга Мирјана Марковиќ ја напушти земјата на 23-ти февруари 2003 година, а синот Марко замина веднаш откако Милошевиќ на 5-ти октомври 2000 година беше принуден да го признае поразот на изборите за претседател на тогашната СР Југославија и сега двајцата живеат во Русија, додека ќерката Марија живее во Црна Гора.

На погребот на Милошевиќ присуствуваа највисоките функционери на неговата СПС, освен Ивица Дачиќ која подоцна стана претседател на СПС тогашниот заменик ан СРС и сегашен претседател на Србија, Томислав Николич, потпретседателот на руската Комунистичка партија, Генадиј Зјуганов, пратеникот од руската Дума, Сергеј Бабурин и генералот Леонид Ивашов, како и поранешниот американски државен секретар Ремзи Кларк.

Како пресврт во дотогаш незабележителната политичка кариера на Слободан Милошевиќ се смета неговиот говор од 28-ми јуни 1989 година на Газиместан, на одбележувањето на 600 години од Косовската битка што се смета за почеток на великосрпските претензии за проширување за сметка на другите република во тогашна СФРЈ, а неговото владеење го одбележаа кусиот судир во Словенија, војните во Хрватска и Босна и Херцеговина, и на крајот судирот во поранешната јужна српска покраина Косово и Метохија и бомбардирањето на НАТО врз тогашна СР Југославија, од која подоцна истапи Црна Гора.

Каки претседател на СПС двапати беше претседател на Србија, а потоа и претседател на СР Југославија, а крајот на неговото владеење беше во октомври 2000 година, кога победи кандидатот на здружената Демократска опозиција на Србија (ДОС) Воислав Коштуница, на претседателските избори за СРЈ.

Милошевиќ потоа беше уапсен на 1-ви април 22001 година под обвинување за злоупотреба на службената положба, врз основа на уредба на владата на Србија, предаден му е на Хашкиот трибунал на 28-ми јуни 2001 година. На Трибуналот судењето на Милошевиќ започна во февруари 2002 година, судскиот процес траеше четири години, но не завршен бидејќи почина од инфаркт на 64-годишна возраст./крај/мф/сн

Извор: Макфакс

Регион

Сијарто: Фокусот на унгарското претседателство со ЕУ ќе биде проширувањето на Унијата на Западен Балкан

Објавено пред

За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.

dobivaj vesti na viber

Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.

„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.

Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.

„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.

Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.

Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.

Прикажи повеќе...

Регион

Ана Брнабиќ за 2 јуни распиша локални избори во 66 единици на локалната самоуправа

Објавено пред

Претседателката на српското собрание Ана Брнабиќ  распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.

dobivaj vesti na viber

Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.

„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.

Прикажи повеќе...

Регион

(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра

Објавено пред

Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека  ограбиле две познати златарници во центарот на грчката престолнина, соопшти атинската полиција.

dobivaj vesti na viber

Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.

 

 

По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.

Прикажи повеќе...

Најново

Свет8 часа

Кинескиот претседател со предупредување до Блинкен: „Вашингтон едно кажува друго прави“

„Вашингтон мора да престане „да кажува едно, а да прави друго“, како и да престане да го третира Пекинг како...

Македонија10 часа

„Не е законски да не е осигурана Клиниката, за тоа треба да преземе одговорност менаџментот“, кажа Демири

Министерот за здравство Илир Демири кажа дека штетата на Токсикологија е покриена, откако имаше хаварија со цевката за парно. „Клиничкиот...

Македонија11 часа

„Не е точно дека со ДУИ подготвуваме сценарио за бојкот на вториот круг на претседателските избори“, кажа Ковачевски

Претседателот на СДСМ, Димитар Ковачевски кажа дека не е точно дека подготвуваат со ДУИ сценарио за бојкот на вториот круг...

Топ14 часа

Во тешка сообраќајна несреќа загина 20-годишник од Прилепско

Вчера во 12.16 часот во ОВР Прилеп било пријавено дека на регионалниот пат Македонски Брод–Прилеп, кај село Новоселани, се случила...

Македонија14 часа

Маскиран со „фантомка“ влегол во казино во Лешок, репетирал автоматската пушка и украл 329.780 денари: притвор за 28-годишник

Јавен обвинител од Основното јавно обвинителство Тетово донесе Наредба за спроведување истражна постапка против 28-годишен жител на Непроштено, осомничен за...

Свет16 часа

Јенс Столтенберг: Украина се уште може да ја добие војната против Русија

Генералниот секретар на НАТО Јенс Столтенберг изјави дека Украина се уште може да победи во војната против Русија, но дека...

Свет16 часа

Израел е подготвен да прифати ослободување на помалку од 40 заложници, пишуваат медиуми

Израел е подготвен да го ублажи барањето од Хамас и да ослободи 40 заложници во замена за привремен прекин на...

Македонија17 часа

ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот

180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени...

Свет17 часа

Америка и испраќа на Украина скап пакет оружје, откриeно што може да има во него

Веќе во петок, САД би можеле да објават нов пакет оружје за помош на Украина во вредност од шест милијарди...

Регион17 часа

Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“

Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен...

Свет17 часа

Русите уапсија двајца нивни војници за грозоморни злосторства

Двајца руски војници се приведени под сомнение дека убиле пет лица во окупираниот дел од областа Херсон. Александар Осипов и...

Македонија1 ден

Ковачевски: Ќе продолжиме да се бориме за секој граѓанин и за европската иднина на Македонија

„Вчера граѓаните нѝ пратија силна порака и ние таа порака ја слушнавме. Но, се лажат сите кои мислат дека ќе...

Македонија1 ден

Јакимовски до Муцунски: Прв излегов и го признав поразот, а тие во алкохолизирана состојба едвај го прочитаа тоа што го напишале

„Колегата Тимчо Муцунски се подбивал со мојот резултат на овие претседателски избори, притоа обидувајќи се малку да биде вицкаст. Иако...

Македонија1 ден

Мицкоски до СДСМ и Ковачевски: Нека не ве чуди што ве снајде вчера

Мириса на промени, бранот започна и нема запирање. Она што го говорев кога дојдов тука пред некоја недела, стана вистина....

Македонија1 ден

Позитивна оценка за првиот круг од претседателските избори, забелешки за острата и негативна реторика од страна на ОБСЕ/ОДИХР

Првиот круг од претседателските избори беше конкурентен и гласачите можеа да направат информиран избор. Меѓународната набљудувачка мисија на ОБСЕ/ОДИХР во...

Македонија1 ден

Во прв круг за претседател е избран само Киро Глигоров со освоени 715.087 гласа, Силјановска-Давкова и Пендаровски вторпат одат во втор круг

По вчерашниот прв круг од седмите претседателски избори, Киро Глигоров остана единствениот претседател избран во прв круг од осамостојувањето до...

Топ1 ден

Маж од Радовиш со месеци сексуално вознемирувал малолетно девојче

Радовишанец со месеци силувал малолетничка Вчера, во Полициската станица Радовиш било пријавено дека 45-годишен жител на Радовиш во периодот од...

Македонија2 дена

Таткото на Вања ќе оди во куќен притвор, Врховниот суд му ја уважи жалбата

Врховниот суд ја уважи жалбата на таткото на убиената Вања Ѓорчевска. Со тоа укинат му е притворот и определени се...

Македонија2 дена

Ангелов за ДУИ: Со пушка дојдоа на власт, со пенкало да ги отераме на буништето на историјата

Колку и да е убедлива, победата нема да биде комплетна доколку ДУИ не биде срушена од власт, вели претседателот на...

Македонија2 дена

Стевчо собра повеќе потписи од гласови – поразот на Јакимовски главна тема на социјалните мрежи

Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските...