Регион
Во Србија осум обвинети за злосторството во Сребреница
Српското Обвинителство за воени злосторства подигна во четвртокот обвинение против осум поранешни припадници на Центарот за обука Јахорина во составот на Специјалната бригада на Министерството за внатрешни работи на Република Српска, а ги товари за убиство на повеќе стотици бошњачки цивили во јули 1995 година, соопштија од обвинителството.
„Обвинителството за воени злосторства ги обвини Недељко Милидарговиќ, Алекса Голијанин, Миливоје Батиница, Александар Дачевиќ, Бора Милетиќ, Горан Петровиќ, Драгомир Паровиќ и Видосав Васиќ, кои се товарат дека ја организирале и учествувале во егзекуцијата како соизвршители“, се наведува во соопштението на српското обвинителство, кое овој предмет го оцени како „пример на извонредна регионална соработка меѓу обвинителствата на Србија и на Босна и Херцеговина“.
Српскиот обвинител за воени злосторства, Владимир Вукчевиќ, истакна во четвртокот дека обвинението за военото злосторство во Сребреница „го покажува односот на Србија кон најголемото воено злосторство сторено во Европа по Втората светска војна“, како и дека „ниедна жртва и ниту еден воен злосторник нема да бидат заборавени“.
„Предметот ‘Сребреница – Кравице’ е пример на извонредна регионална соработка на Обвинителството за воени злосторства (на Србија) и Обвинителството на БиХ о соработка со Министерството за внатрешни работи на Србија и полицијата во БиХ“, изјави Вукчевиќ за агенцијата Танјуг.
Меѓу жртвите кои се убиени во хангарот во селото Кравице во јули 1005 година досега се идентификувани повеќе од 1.300 бошњачки цивили, чии посмртни останки се најдени во масовните гробници Глогови 1 и 2 и во Равница.
Соопштението за обвинението во случајот „Сребреница – Кравица“ објавено е во Белград истовремено кога и во Сараево беше соопштено дека Судот на БиХ го потврдил обвинението против воениот командант на бошњачките сили во Сребреница Насер Ориќ, обвинет за воено злосторство над тројца Срби во Подриње 1992 година, во кој српското правосудство и истражните органи претходно им доставиле податоци на колегите од БиХ.
Обвинителството во БиХ во четвртокот го поздрави подигнувањето на обвинението за воени злосторства сторени над Бошњаците во Сребреница. Во соопштението на Обвинителството на БиХ се истакнува дека обвинение против осумте српски државјани е резултат на добрата соработка на правосудните тела на двете земји, како и настојувањата во целиот регион, чија цел е да се спречи сторителите на воени злосторства да останат неказнети./крај/мф/сн
Извор: Танјуг
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.