Српскиот министер за внатрешни работи Небојша Стефановиќ ќе побара на младите возачи до 21 година со закон да им биде забрането управување со моторно возило од полноќ до шест часот наутро, објавија во неделата белградските електронски медиуми.
 

Српскиот министер за внатрешни работи Небојша Стефановиќ ќе побара на младите возачи до 21 година со закон да им биде забрането управување со моторно возило од полноќ до шест часот наутро, објавија во неделата белградските електронски медиуми.

Најавата на оваа ригорозна измена на сегашниот српски Закон за безбедност во сообраќајот следеше откако на патиштата во земјата за само две седмици се случија две тешки сообраќајни несреќи во кои, враќајќи се од ноќни забави, настрадаа шест млади луѓе на возраст од 16 до 25 години.

Во Србија по првата несреќа кога шест млади лица во Белград со автомобил слетаа во Дунав, по што три не успеаја да се спасат, беше покрената кампања за воведување построги прописи во тамошниот Закон за безбедност во сообраќајот. На почетокот од викендов беше забележана уште една трагедија, кога кај Бегеч, меѓу Нови Сад и Бачка Паланка, настрадаа уште три момчиња.

Статистиката покажува дека најголем број сообраќајни несреќи во кои учествуваат млади луѓе се случуваат во раните утрински часови, меѓу пет и шест часот, што според медиумите гои поттикнало министерот Стефановиќ да ја предложи дополнителната измена во законот.

Стефановиќ во неделата попладне ја потврдил оваа информација за агенцијата Танјуг, односно дека ќе побара да им се забрани на младите возачи да управуваат со возила прецизирајќи го терминот од 23 часот до шест часот наутро.

Претходната предложената измена беше на младите лица да им се забрани да управуваат автомобили посилни од 76 коњски сили, а втората е дека возачите до 21 година мора повторно да полагаат возачки испит штом ќе добијат девет казнени поени, додека за искусните возачи тоа ќе важи за 18 казнени бодови./крај/мф/сн

Извор: Макфакс