Регион
Во Турција се приведуваат адвокати и универзитетски професори во рација против PKK
Во Турција во средата се приведени 47 лица, во, како што наведуваат властите, антитерористички операции ширум земјата, ден откако беа обвинети тројца универзитетски професори за наводно учество во „терористичка пропаганда“.
Турската државана новинска агенција Anadolu наведува дека бранот апсења во многу покраини, вклучително и во мегалополисот Истанбул, е насочен против забранетата Работничката партија на Курдистан (PKК) која е ставена на листата терористички организации и на Европската унија и на САД.Иако досега никој не ја презема одговорноста, турската влада ги обвинува курдските герилци за неделната експлозија во центарот на главниот град Анкара во која загинаа 37 луѓе, а повеќе од 120 беа ранети.Претседателот Реџеп Тајип Ердоган се зазема за проширување на дефиницијата „терорист“ во турското законодавство, за да бидат вклучени и оние кои изразуваат поддршка на таквите дела. „Самото тоа што имаат титули како пратеници, универзитетски професори, автори, новинари или челници на невладини организации, не го менува фактот дека тие всушност се терористи“, тврди Ердоган.Во последниот бран апсења кој започна во понеделникот, приведени 320 луѓе, адвокати, политичари, професори и суденти. Тројца универзитетски професори се обвинети и задржани во притвор од групата од околу 1.000 наставен кадар и педагози кои потпишале декларација која се залага за мир во Турција и се осудуваат акциите на владините безбедносни сили во југоисточните доминантно курдски региони на земјата.Турските медиуми, како и дневниот весник Hurriyet, известуваат дека и еден британски професор, кој предава на истанбулски универзитет, е уапсен откако во полициската станица дошол да му даде поддршка на приведен колега.Турција во декември минатата година ги зајакна воените операции против PKK и други групи чие дејствување е забрането. Од тогаш повеќе стотици лица ги загубија животите, вклучително и цивили. Во некои курдски региони владините сили покренале бран уривања објекти, а повеќе од 350.000 луѓе, претежно Курди, се раселени, пишува DPA.Двегодишниот прекин на огнот меѓу турските власти и PKK пропадна минатата година, со меѓусебни обвинувања од двете страни за неуспехот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.