Регион
Во Турција уапсени над 250 припадници на терористички групи
Во голема полициска операција на рации и пребарување на објекти спроведена од турската полиција во 13 покраини низ земјата, уапсени се најмалку 251 припадник на разни терористички групи, меѓу кои и на џихадистичката Исламска држава, објави во петокот кабинетот на премиерот Ахмет Давутоглу.
„На 24-ти јули единици на Главната управа за безбедност спроведоа симултани операции во 13 покраини во земјата и приведени се 251 член на терористички организации. Според спроведените процени, нивните активности бил насочени кон подготовки на акции и напади врз нашите безбедносни сили и граѓани. Тие лица, членови на Исламската држава, на Работничката партија на Курдистан (ПКК) и организации поврзани со неа, како и маргинални левичарски групи, претставуваат закана за општествениот поредок“, се вели во соопштението што го цитираат турските медиуми,
Ноќта кон петокот припадниците на полицијата и специјалните единици извршиле голема операција во Истанбул за приведување на членови на терористички организации. При рација во еден од становите на екстремната Партија-Фронт на револуционерното народно ослободување дошло до престрелка во која е застрелана жена којашто отворила оган врз полицајците.
Само во Истанбул властите идентификувале 140 локации во 26 окрузи на покраината на коишто престојувале осомничени лица, каде што се уапсени неколку десетици луѓе. Меѓу нив, како што јавува дневниот весник Hurriyet, бил и 31-годишен маж кој одржувал врски со бомбашот самоубиец член на Исламската држава кој во понеделникот во пограничниот град Суруч уби 31 курдски активист.
Слични операции на апсења се спроведуваат во петокот и во провинцијата на градот Измир, каде се уапсени четворицата припадници на Исламската држава. Во покраината Бурса, пак, биле уапсени десет екстремисти на младинската организација на курдската ПКК.
Операцијата за масовни апсења на екстремисти започна веднаш откако во четвртокот Исламската држава нападна пограничен воен премин во покраината Килис кон Турција, при што беше убиен еден турски војник а уште двајца беа ранети. Турската армија, исто така, изврши артилериско и тенковско гранатирање врз позициите на џихадистите на сириска територија, а врз истите сириски области дејствуваше и турското воено воздухопловство./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.