Регион
Вучиќ: Србија нема да одговара на навредите од страна на Косово, туку бара дијалог
Српскиот премиер Александар Вучиќ на косовските претставници по гласањето во УНЕСКО и одлуката Косово да не се прими во оваа организација, им порача дека Србија нема намера да реагира на бројните навреди и острите зборови кои пристигнале, прнесуваат српските медиуми.
Српскиот премиер Александар Вучиќ на косовските претставници по гласањето во УНЕСКО и одлуката Косово да не се прими во оваа организација, им порача дека Србија нема намера да реагира на бројните навреди и острите зборови кои пристигнале, прнесуваат српските медиуми.
„Сакам да ѝ порачам на Приштина дека и покрај тешките зборови и навредите упатени кон нас, нема да одговориме на навредите. Мојот одговор е дека ние нема да ги гаѓаме нив со камен, не сакаме со камен на камен, туку сакаме да го продолжиме дијалогот, сакаме дијалог, да разговараме а не да наметнуваме решенија и секогаш да предизвикуваме криза во односите. Србија никој не може да ја згази, Србија тоа не го дозволува“, рече српскиот премиер.
Додаде дека Србија се фатила во костец и со поголеми и помоќни од себе, но и дека земјата веќе не се интересира за победи во кои има жртви.
„Не победивме, но не изгубивме. Не бевме понижени, ниту, пак, згазени“, смета Вучиќ, истакнувајќи дека Србија е секогаш подготвена за бројни компромиси со кои на граѓаните ќе им обезбеди добар живот.
„Србија не е поразена, но тоа не е некоја голема новина. Србија полека но сигурно учи да не губи, а најдобар доказ за тоа се Резолуцијата за Сребреница, економската агресија на Хрватска, денешната седница на Генералното собрание на УНЕСКО. Ние не потклекнуваме пред никого, стоиме исправено, не отстапуваме и не губиме. Ги молам граѓаните на Србија да се навикнат на тоа дека и кога ќе губиме, нема да отстапиме од својата политика“, порача Вучиќ, додавајќи дека Србија никогаш нема да ги запостави своите интереси и принципи./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.