Порталот WikiLeaks, познат по објавување доверливи документи за политиките на многу земји, планира да објави повеќе од 100.000 документи во врска со структурата на политичката власт во Турција, каде на почетокот на изминатиот викенд имаше обид за државен удар.

„Најава: Бидете подготвени за борба, во периодот кога ќе објавиме повеќе од 100 илјади документи за структурата на политичката власт во Турција“, се наведува во објавата на официјалниот акаунт на WikiLeaks на Twitter. Се нагласува дека објавувањето ќе се случи „наскоро“.

Ноќта кон саботата турските власти објавија дека е направен обид за воен преврат во земјата, а од своја страна побунетата фракција во турската армија објави дека ја преземала власта во свои раце. Веќе утрото откако мноштво народ излезе на улиците на Истанбул и Анкара протестирајќи против воениот пуч, војниците пучисти почнаа да се предаваат. Набрзо владата објави дека обидот за преврат доживеал неуспех.

Турските власти веќе уапсија повеќе од шест илјади луѓе, меѓу нив голем број високи и офицери од среден ранг, но и стотици судии и обвинители. Во обидот за преврат загинаа на двете страни 290 луѓе, а ранети се над 1.400. Владата во Анкара за бунтот го обвини исламскиот проповедник Фетулах Ѓулен кој живее во егзил во САД, но тој негира дека сто зад обидот за пуч./крај/мф/сн

Извор: Макфакс