Регион
Зголемен притисокот од илегалните имигранти на границата на Србија со Бугарија
На источниот дел од границата на Србија со Бугарија, во областите околу Неготино и Димитровград, во последните две седмици пораснал притисокот за нелегално влегување на имигрантите во Србија, изјави во четвртокот портпаролот на заедничките сили на српската војска и полицијата чиишто патроли се ангажирани на границите со Македонија и со Бугарија.
„Имигрантите на сите начини се обидуваат илегално да влезат во Србија, користејќи ги шумите и непристапните предели за каде што мислат дека нашите патроли нема да ги забележат. Секојдневно ја менуваме тактиката за да можеме да ги спречиме во тоа“, изјави за Радио-телевизија Србија претставникот на заедничките сили на војската и полицијата на Србија, Јован Кривокапиќ.
Српската војска и полицијата од 22-ри јуни, со одлука на владата, се ангажирани во секојдневни патроли и по длабочина на територијата долж границата со Македонија и со Бугарија, од каде што е најголем притисокот на имигрантите кои настојуваат илегално да влезат во Србија и да одат натаму, преку Унгарија и Хрватска, во западните земји од Европската унија.
Кривокапиќ соопшти дека од средината на јуни до средината на септември се откриени околу 7.500 луѓе кои се обиделе илегално да влезат на територијата на Србија, а спречувајќи ги во тоа прекинати се и неколку канали за криумчарење луѓе, што, според него е „еден од приоритетите на заедничките сили на војската и полицијата“. „Изминатата ноќ е фатена една група од 50 имигранти со криумчар, државјанин на Србија од Врањска Бања“, изјави Кривокапиќ.
Одговарајќи на прашањето дали подигнувањето на ограда на границите би можело да биде едно од решенијата за спречување на илегалните имигранти, Кривокапиќ одговори дека таквата одлука може да ја донесат државните органи,а обврската на заедничките сили на војската и полицијата е одлуките на државата да ги спроведат на терен.
Сите имигранти коишто не се откажуваат од влегувањето во Србија се сместуваат во центрите за прифаќање и се подвргнати на натамошна процедура според меѓународните прописи и конвенции, рече српскиот министер за труд и социјална грижа, Александар Вулин. Тој претходно рече дека Србија би можела да презема порадикални мерки во спречувањето на илегалната миграција, особено бидејќи во последниот период станувало збор за економски имигранти од Пакистан и од Авганистан.
Вулин вели дека е време да му предложи на премиерот „некои подрастични мерки“, имајќи предвид дека структурата на имигрантите се променила, како и дека меѓу сé повеќе има економски имигранти. „Имаме војска и полиција на границите, но можеби и бариерите и поставувањето на одредени препреки е едно од решенијата за да се намали бројот на имигрантите … Економските имигранти не можат да идат никаде во Европа, па тогаш не можат да останат ниту во Србија“, порача Вулин.
Мигрантската криза беше една од темите на состанокот на премиерот на Унгарија, Бугарија и Србија, Виктор Обран, Бојко Борисов и Александар Вучиќ пред два дена во бугарскиот црноморски град Бургас. Тие, како што рече Вулин, разговарале за „моменталниот статус на мигрантската криза и особено внимание му посветиле на променетата структура на имигрантите“, а изразиле и голема загриженост од тоа што мигрантската и бегалската криза не завршуваат./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотреси го тресат Санторини, училиштата се затвораат поради страв, издадени предупредувања
Училиштата на грчкиот остров Санторини денеска ќе бидат затворени поради зголемената сеизмичка активност во последните денови. Властите исто така препорачаа да се избегнуваат „големи собири во затворен простор“ низ островот, кој е познат како популарна туристичка дестинација со своите карактеристични бели куќи и цркви со сина купола, јавува Би-би-си.
Во последните неколку дена се забележани земјотреси до 4,6 степени, а во неделата во близина на островот се забележани земјотреси од 4,3 и 3,9 степени.
Санторини се наоѓа на Хеленскиот вулкански лак – синџир на вулкански острови формиран како резултат на движењето на тектонските плочи. Сепак, последната голема ерупција се случи во 1950-тите.
Грчките власти нагласуваат дека неодамнешните помали земјотреси се резултат на движењата на тектонските плочи, а не на вулканската активност, и дека активноста во вулканскиот басен што го опкружува островот – продолжува да се намалува.
Иако сеизмолозите сметаат дека овие потреси се слаби, властите воведоа превентивни мерки, вклучително и затворање на училиштата и препорачаа бродовите да ги избегнуваат пристаништата Амуди и Фира.
Големите бродови за крстарење често се закотвуваат во близина на Старото пристаниште Фира, а патниците се транспортираат до брегот со помали чамци.
Наредба за затворање на училиштата е издадена и за блиските острови Анафи, Иос и Аморгос.
На жителите и посетителите им беше препорачано да избегнуваат напуштени згради и патишта каде што може да дојде до одрони.
Иако сеизмолозите не веруваат дека овие потреси се знак за претстојна ерупција, не може целосно да се исклучи можноста за посилен земјотрес.
Регион
Од денеска на еден пат во Црна Гора ќе има дневни блокади
Неформалната црногорска студентска група „Камо Сутра?“ најавија дека од денеска, 3 февруари, секојдневно ќе блокираат по еден пат во Црна Гора додека не се исполнат нивните барања, јавуваат локалните медиуми, пренесува Анадолија.
Poštovane građanke i građani,
Počevši od śutra 3. februara, svakog dana do daljnjeg će biti blokirana jedna saobraćajnica. Dvadeset tri minuta buke počinjaće u 17:26 h. O tačnoj lokaciji informisaćemo u 16:26 h putem naših mreža.
Svi na ulice! Svi po naše bezbjedno śutra! pic.twitter.com/I9eVGPfv0C
— Kamo Śutra? (@KamoSjutra) February 2, 2025
Барање за разрешување на Шарановиќ и Бечиќ
Клучните барања на студентската група се разрешување на министерот за внатрешни работи Данило Шарановиќ и вицепремиерот на Црна Гора Алекса Бечиќ бидејќи, според нив, ништо не е направено за да се спречи повторување на злосторствата слични на она што се случи во Цетиње на 1 јануари оваа година.
Hvala vam! pic.twitter.com/IuyENrLHqz
— Kamo Śutra? (@KamoSjutra) February 1, 2025
„Дваесет и три минути врева ќе започне во 17 часот и 26 минути. Точната локација ќе ја објавиме во 16 часот и 26 минути на нашите мрежи. Сите на улиците! Сите за нашето безбедно утре!“ изјави групата на Икс.
Poštovani potpredsjedniče Vlade za bezbjednost i odbranu,
Ovo nije događaj, i nije tragedija. Ovo je zločin.
Na Cetinju se odaje počast žrtvama tišinom, u Podgorici tražimo ispunjenje zahtjeva. Jedini "obrazac postupanja" koji ćemo sada uvesti su blokade. Ustanite iz fotelje i… pic.twitter.com/4a8UgcgWMp— Kamo Śutra? (@KamoSjutra) February 2, 2025
Како дел од организацијата викендов беше извршена блокада на мост во Подгорица која траеше од 17:26 до 18:30 часот во саботата.
Регион
(Фото+видео) Мадона ги поддржа српските студенти
Американската пејачка и актерка Мадона на својот Инстаграм профил сподели видео на стори за студентските протести во Србија.
„Она што медиумите не ви го кажуваат е дека еден од најголемите студентски протести од 1968 година во моментов се одржува во Србија“, се вели во објавата што ја сподели Мадона.
Заедно со снимките од дрон пишува дека студентите ги затвориле речиси сите универзитети, а во тек се 24-часовни блокади.
„Луѓето на улиците во Србија бараат системски промени и „помалку“ корупција во владата. Професорите и наставниците им се придружија на студентите во нивните протести и владата им се заканува дека ќе останат без работа. Ова е сериозен проблем. Треба оваа ситуација да стане вирална и да ги поддржиме студентите и народот во Србија. Ние стоиме со Србија“, стои во објавата што ја сподели Мадона.
Снимките од Србија се придружени со познатиот хит на Мадона „Like a Prayer“.
Путин: Трамп многу брзо ќе го врати редот а европските елити ќе застанат пред нозете на својот господар и нежно ќе мавтаат со опашот
Американскиот претседател Доналд Трамп со својот лик многу брзо ќе го врати редот, а европските елити ќе застанат пред нозете...
Француски хирург со години силувал деца под анестезија: започнува неговото судење
Поранешен хирург обвинет за злоупотреба на стотици млади пациенти, често додека тие биле под анестезија, ќе оди на суд овој...
(Видео) Голем украински напад со дронови, Русија ги затвора аеродромите
Украина синоќа употреби беспилотни летала за да ги нападне објектите за гориво и енергија во руските региони Астрахан и Волгоград....
(Видео) Зеленски: Украина е поблиску до мир од кога и да било од почетокот на војната
Украина успеа да ја одбрани својата држава и независност и сега е поблиску до мир отколку кога било во речиси...
Трамп: Наскоро воведуваме царини за Европската унија, тие навистина не искористија
Царините за стоките увезени во САД од ЕУ ќе се случат „многу наскоро“, изјави американскиот претседател Доналд Трамп. „Тие навистина...
(Видео) Канадските навивачи ја исвиркаа американската химна неколку часа по одлуката на Трамп
Неколку часа откако претседателот на САД, Доналд Трамп, најави воведување високи царини за канадски увоз, а по контроверзните предлози на...
(Фото) Илјадници граѓани пред Кривичниот суд, извикуваат „оставка“ и „правда за Фросина“
Граѓаните кои протестираат пристигнаа пред Кривичниот суд. Поради масовноста на протестот, толпата не продолжи кон Обвинителството, па од Собранието тргнаа...
(Фото) Три минути молк пред Собранието на Македонија
Демонстрантите стигнаа до Собранието. Во тек е триминутен молк и тука. Стотици граѓани со транспаренти во ист глас извикуваа „Убијци!“...
(Фото) Граѓаните тргнаа кон Собранието
Присутните граѓани на протестот „Секој еден може да е следен“ тргнаа кон Собранието, оттаму ќе се уптатат кон Основното јавно...
(Видео) Три минути молк на почетокот на протестот
Протестот на Партизанска започна со три минутен молк. Присутни се голем број граѓани со транспаренти на кои пишува „Безбедноста е...
(Видео) Почна протестот „Правда за Фросина“, во првиот ред родителите и сестрата
Почна протестот на Партизанска на кој се бара правда за смртта на младата Фросина. Присутни се голем број граѓани со...
(Фото) Граѓани веќе се собираат на Партизанска за протестот закажан во 17 часот
На булеварот Партизански одреди во Скопје веќе се собираат луѓе за протестот кој е најавен за во 17 часот. Дел...
Бараме да одговара и таткото на убиецот и судијката кои наместо да изразат сочувство, кукавички бришат профили, рече сестрата на Фросина на протестот во Кавадарци
Во Кавадарци е одржан протест поради смртта на Фросина. Нејзината сестра, Росица Кулакова, порача дека ќе бара одговорност и од...
Битолчанец со автомобил удрил пешак, со тешки телесни повреди е префрлен во болница
Mинистерството за внатрешни работи информира дека вчера 64-годишен битолчанец со автомобил удрил пешак, свој сограѓанин, при што тој се здобил...
Апасиев предлага законски измени: ограничен мандат и враќање на југословенскиот модел за кривична одговорност на судиите
Лидерот на Левица, Димитар Апасиев, на социјалните мрежи најави законски измени коишто ќе бидат предложени во следниот период од пратеничката...
Вонредна инспекција на АХВ: уништени 110 килограми небезбедна храна во болнички кујни
Сто и десет килограми небезбедна храна, минатата недела уништија инспекторите за храна на Агенцијата за храна и ветеринарство, во кујни...
ВМРО-ДПМНЕ: Трулиот судски систем носи жртви, затоа бараме реформи кои СДС ги кочи
Трулиот судски систем носи жртви, затоа бараме реформи кои СДС ги кочи, велат од ВМРО-ДПМНЕ. „Смртта на Фросина можеше да...
Таткото на Фросина му се заблагодари на Пандов: Ја враќаш вербата дека државата конечно функционира
Семејството на Фросина Кулакова се заблагодари на раководството на затворот во Шутка и на директорот на Управата за извршување санкции,...
Денеска протести за смртта на Фросина: во 12 часот во Кавадарци, во 17 часот пред Универзална во Скопје
Денеска ќе се одржат два протеста за смртта на младата Фросина. Првиот протест ќе се организира на плоштадот во Кавадарци,...
(Фото) Утре масовни протести за смртта на Фросина, точно на пладне во Кавадарци, во 17 часот пред Универзална во Скопје
Утре точно на пладне се организира протестен собир во Кавадарци за да се оддаде почит нa Фросина Кулакова од Неготино,...
