Одлуката на САД за ослабување на рестрикциите за вооружувањето и доставување оружје, особено рачни противвоздушни ракети за сириските бунтовнички групи е контрапродуктивни и опасно за регионот, порача во вторникот портпаролката на руското министерство за надворешно работи, Марија Захарова истакнувајќи дека тоа директно ги загрозува руските воздушни сили во Сирија.

Русија во септември минатата година започна воздушна кампања во Сирија како поддршка на силите на сириската влада против бунтовниците, од кои некои ја имаат поддршката на САД кои ја предводат меѓународната коалиција којашто во оваа земја дејствува една година претходно.

Портпаролката на руската дипломатија, Марија Захарова, изјави дека промените во американскиот закон за олеснување на рестрикциите за доставување оружје за сириските бунтовници е јасно од новиот буџет американската одбрана, како и дека Москва тој чин го смета за контрапродуктивен и непријателски.

„Тоа е контрапродуктивно, тоа е крајно опасно за регионот, кој веќе се тетерави на работ на извесен колапс… Од секоја гледна точка, благо речено, тоа е контрапродуктивно, опасно, тоа е штетно и противречно на сите постигнати договори, под кој се потпишавме“, изјави Захарова на прес-конференцијата во Москва одговарајќи на прашањето какви последици ќе донесе одлуката за дозволување доставување тешко вооружување во Сирија.

Портпаролката истакна и дека е опасно „секое доставување оружје на завојуваните страни, уште повеќе што станува збор за сложена ситуација во земјата во која владее граѓанска војна, борбата со меѓународниот тероризам, кога самиот Вашингтон изминатата година не успеа да ја оддели ткн умерена опозиција од терористите“. „Како можете да им доставите вооружување, кога дири и самите не знаете кои од нив се терористи а кои умерена опозиција?, заклучи Захарова.

Американскиот претседател на заминување Барак Обама минатата седмица го потпиша годишниот буџет за одбрана, во кој е ставката за испораки на оружје на сириските бунтовници

„Администрацијата на Барак Обама мора да сфати дека секое оружје коешто го доставуваат брзо ќе заврши во рацете на џихадистите со коишто лажната ‘умерена’ опозиција веќе долго соработува“, потенцираше Захарова.

„Таквата одлука е директна закана за руските воздушни сили, на другиот воен персонал и за нашата амбасада во Сирија, којашто беше повеќепати гранатирано. Поради тоа сметаме дека тој чин е непријателски“, додаде.

Захарова го обвини Обама дека ја минира новата администрација на новоизбраниот американски претседател Доналд Трамп, обидувајќи се да наметне продолжување на антирускиот став на Вашингтон.

Трамп во предизборната кампања истакна дека сака да ги подобри односите со Москва, и позитивно зборуваше за способностите за управување со кризите на рускиот претседател Владимир Путин. /крај/мф/сн