Свет
Русија очекува реакција на САД во врска со извештаите за воени сајбер напади врз Кремљ
Русија очекува од американските власти да се изјаснат за информациите во тамошните медиуми дека американски воени хакери наводно продреле во руските телекомуникациски и енергетски мрежи, се наведува во писмената изјава на портпаролката на руското министерство за надворешни работи Марија Захарова од саботата.
Американската телевизиска мрежа NBC News објави дека американски хакери, ангажирани од владата, продреле во руската инфраструктура и во командните системи на Кремљ, правејќи ги ранливи за напади, коишто САД, доколку сметаат дека е потребно, можат да ги преземат.
„Отсуството на официјална реакција од страна на американската администрација значи дека во САД постои државен кибернетички тероризам“, вели портпаролката на руската дипломатија Марија Захарова.
Така, во случај на остварување на овие закани, Москва ќе има полно право да го обвини Вашингтон, предупреди Захарова.
Официјални коментари од американска страна во саботата немаше, а руските медиуми кои од функционери во Вашингтон барале изјави наведуваат дека претходно претставниците на американскиот Стејт департмент изјавуваа дека САД не се заинтересирани за конфронтација со Русија во кибернетичкиот простор.
„Американски воени хакери се инфилтрирале во енергетската и телекомуникациската мрежа на Русија, како и во командниот систем на Кремљ, правејќи ги ранливи за напади со помош на тајното американско кибернетичко оружје, доколку САД сметаат дека тоа е неопходно. Ова го вели високорангиран претставник на разузнавањето, а исто така произлегува од документите кои се класифицирани како врвна тајна, кои беа ставени на увид на NBC News“, се наведува во прилогот објавен на американската телевизија.
Натаму NBC News повикувајќи се на „официјални претставници“ тврди дека „кибернетичкото оружје ќе биде употребено само во случај доколку врз САД биде извршен значителен напад“.
„Официјални претставници на САД продолжуваат да изразуваат загриженост дека Русија ги користи своите кибернетички можности за обид да го попречат спроведувањето на американските претседателски избори следната седмица. Официјални лица во американското разузнавање не очекуваат дека Русија ќе ја нападне критички важната инфраструктура, тоа според мислењето на повеќемина од нив, тоа претставува борбено дејствие, но тие очекуваат ткн сајбер измами, односно можно објавување на фалсификувани документи и ширење лажни профили на социјалните мрежи, со цел да се шират дезинформации“, се наведува во прилогот на NBC News.
Според сознанијата на телевизијата, американските власти ги групираат ресурсите за да одговорат на „руската закана“,
Телевизијата го пренесува мислењето на поранешниот командант на силите на НАТО адмиралот ЏејмсСтавридис кој вели: „Ние сме значително супериорни во офанзивните способности (во сајбер просторот – з.р.) од која е и да е друга земја, но тие брзо не следат…. Дојдовме до моментот кога е потребно да се даде одговор на Русија доколку дојде до значително нарушување во кибернетичкиот простор во пресрет на изборите“.
Руската новинска агенција РИА не добила официјални коментари на споменатиот телевизиски прилог на NBC News од Белата куќа, Стејт департментот, Пентагон и другите американски институции.
Потсетува дека американското министерство за внатрешна безбедност и директорот на националното разузнавање ја обвинија Русија за насочени обиди да се влијае врз исходот од претседателските избори во САД преку кибернетички напади. Американското разузнавање повеќепати обвини „хакери поврзани со Кремљ“ дека му помагаат на републиканскиот претседателски кандидат Доналд Трамп. Сепак, конкретни докази во јавноста досега не се презентирани.
Москва повеќепати ги оцени ваквите тврдења како „неоснована и смешна“ пропаганда, напади кои се без никаква основа./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Европската комисија предлага нова безбедносна стратегија, меѓу мерките е и значително зајакнување на Европол
Европската комисија во вторник предложи нова стратегија за внатрешна безбедност наречена „Протект ЕУ“, која меѓу другото вклучува значително зајакнување на Европол, европската агенција за полициска соработка.
Целта на новата стратегија е да се олесни координираната акција, да се продлабочи соработката преку размена на информации и да се подобри отпорноста и колективната способност на ЕУ за спречување и откривање на безбедносни закани и ефективно реагирање на нив.
„Безбедноста е еден од клучните предуслови за отворени, динамични општества и успешна економија. Затоа денеска покренуваме важна иницијатива за подобра борба против безбедносните закани како што се тероризмот, организираниот криминал, растечкиот сајбер криминал и нападите врз нашата клучна инфраструктура“, изјави претседателката на Комисијата, Урсула фон дер Лајен.
Меѓу другото, стратегијата „Протект ЕУ“ предвидува нов, посилен мандат на Европол, кој треба да стане оперативна полициска агенција за зајакнување на поддршката за земјите-членки.
Европол има над 1.400 вработени кои имаат задача да им помагаат на земјите-членки во борбата против организираниот криминал, тероризмот и сајбер нападите.
Комисијата сака двојно да го зголеми бројот на вработени во Европол.
„Секојдневно слушаме дека криминалците се чекор пред нас. Ова може да се промени само ако ги зајакнеме нашите агенции за спроведување на законот, па затоа ќе предложиме Европол да стане движечка сила на европската безбедност со удвојување на неговиот персонал, зајакнување на неговиот мандат и подобрување на неговата ефикасност“, рече комесарот за внатрешни работи Магнус Брунер.
Сегашниот мандат на Европол не ја вклучува борбата против хибридните закани и саботажи, што треба да се промени. Следната година комисијата ќе предложи закон за промена на мандатот на Европол.
Со новиот мандат, Европол треба да има поголема улога во истрагата на прекуграничните, обемни и сложени случаи кои претставуваат сериозна закана за внатрешната безбедност на Унијата, би се обезбедила поблиска соработка со другите агенции на ЕУ, особено со Европравда и ЕЈПО.
Целта на зголемената поддршка на Европол треба да биде зајакнување на капацитетот на земјите-членки за спроведување на ефективни истраги со помош на дигитална форензика, декрипција, обработка на зголемени количини на податоци, оперативна употреба на нови и иновативни технологии, сузбивање на нелегалниот профит.
Свет
Израел ги укинува царините за сите американски производи
Израел ги укинува преостанатите царини за увоз од САД, еден ден пред најавата на Трамп за возвратни царини.
Соединетите држави се најголемиот трговски партнер на Израел и најблизок сојузник, со билатерална трговија во вредност од 34 милијарди долари во 2024 година.
„Отстранувањето на царините за американските стоки е уште еден чекор кон отворање на пазарот за конкуренција, диверзификација на економијата и намалување на трошоците за живот“, рече премиерот Бенјамин Нетанјаху во заедничката изјава со министерот за економија Нир Баркатле и министерот за финансии Безалморих.
„Покрај економските придобивки за економијата и граѓаните на Израел, сегашниот потег ќе ни овозможи дополнително да го зајакнеме сојузот и врските меѓу Израел и САД“, додаде тој.
Израел и САД потпишаа договор за слободна трговија пред 40 години, а околу 98 отсто од стоките од САД беа ослободени од царини.
Регион
(Видео) Хаос по поплавите на омилените дестинации во Грција: „Се’ се случи за два часа“
Грчките острови Парос и Миконос, популарни меѓу туристите за време на летната сезона, во понеделникот вечерта беа погодени од поројни поплави, а локалните власти соопштија дека се очекува обилните врнежи да продолжат во регионот.
Властите на Парос изјавија дека пожарникарите морале да спасат 13 лица кои се нашле во неволја поради поплавите.
Градоначалникот на Парос, Костас Бизас, изјави дека надојдените води го напуштиле своето корито во рибарското село Науса, поплавувајќи продавници и куќи и носејќи речиси 40 возила.
#NEWS – #Maltempo in #Grecia, dopo forti piogge improvvise inondazioni nelle isole #Cicladi
Ingenti danni a #Paros, nel villaggio di #Naousa, e a #Mikonos#video dalla rete#31marzo #Greece #floods #weather #Lluvias #Meteo #Weather #flooding #cyclades #island @vinmorgante pic.twitter.com/uubDp1lZPq
— Tv2000.it (@TV2000it) March 31, 2025
Според Ројтерс, властите на Парос се соочиле со потешкотии при отстранувањето на возилата кои биле разнесени од калливите порои по патиштата и населените места.
„Патиштата се оштетени и ни требаат повеќе машини за да можеме да ги исчистиме улиците“, изјави градоначалникот Бизас. „Целата катастрофа се случи за само два часа“, додаде тој.
Several cars swept way by heavy floods in Naousa of Paros, Greece 🇬🇷 (31.03.2025) pic.twitter.com/xCf36HJ8TU
— Disaster News (@Top_Disaster) March 31, 2025
Во Миконос паднал и град.
Severe flooding in Naousa, Paros, Greece, cars swept away by floods. pic.twitter.com/8plRLLrQOL
— Disasters Daily (@DisastersAndI) March 31, 2025
Агенцијата за цивилна заштита предупреди дека жителите на Парос и Миконос не треба да излегуваат од своите домови.
Се очекува обилните врнежи да се преместат кон островите Хиос, Самос и Икарија.
Flash Flood after heavy rain in Naousa, Paros Island, Greece pic.twitter.com/sH5sMXeb5R
— Disasters Daily (@DisastersAndI) March 31, 2025
Breaking 🚨: Severe flooding hits Greece, leaving streets submerged and homes evacuated.
Authorities report heavy rainfall overwhelming drainage systems.
Rescue operations are underway as residents are urged to stay safe. pic.twitter.com/3hikG5STXM
— WorldsQuant (@WorldsQuant) March 31, 2025
Според метеоролошката служба, дождот проследен со ветрови до 74 километри на час претставува опасност и се очекува да продолжи и вечерва.
Училиштата и градинките на островите Парос, Миконос, Родос, Кос, Калимнос, Сими и Тилос се затворени од претпазливост.
Грција во декември 2024 година беше погодена од опасно невреме. Тогаш најмногу настрадаа островите Родос и Лемнос.
Се излеа Маркова Река кај Батинци
Маркова Река се излеа денес по обилните врнежи од дожд. Во селото Батинци, водата е надојдена, излевајќи се на неколку...
Оставката на Папазов помина на владина седница
Владата ја прифати оставката на градоначалникот на Кочани, Љупчо Папазов. Советот на општината ќе треба да назначи в.д. градоначалник на...
„Вреди“: Посакуваме Бектеши да ја докаже невиноста, не сакаме ниту еден Албанец да биде одговорен за Кочани
Коалицијата „Вреди“ посакува ексминистерот за економија од редовите на ДУИ, Крешник Бектеши да ја докаже својата невиност во случајот со...
Обезбедувачот на Мицкоски за 50.000 евра оддавал службени тајни, приведен е
За 50.000 евра откривал полициски службени тајни од истрага. Припадникот на обезбедувањето на премиерот Христијан Мицкоски е во притвор. Од...
Кочани доби ново амбулантно возило – донација од компании
Донирано е амбулантно возило за општата болница во Кочани од страна на приватни компании. Амбулантното возило е донација на „Аутомотив...
По трагедијата во Кочани целосно се забранува употребата на пиротехниката во затворен простор
Трагедијата во дискотеката „Пулс“ во Кочани го менува Законот за прекршоците против јавниот ред и мир. Пратениците со 87 гласа „за“, без...
Нема повеќе седење дома и земање плати, потребна ни е ефикасна администрација, порача Мицкоски
„Јавната администрација не е само механизам за спроведување на законите и политиките, таа е лицето на државата, одраз на нејзината...
Трендафилов подготвен тој и сите функционери една година да земаат плата 500 евра, но уште утре минималната да се зголеми на истиот износ
Претседателот на Сојузот на синдикатите на Македонија (ССМ), Слободан Трендафилов, е подготвен една година тој и сите избрани и именувани...
(Видео) Талески: Мицкоски не може да не знае, втор обезбедувач од неговиот круг фатен во контакт со подземјето
Оваа Влада и ДПМНЕ се очигледно сериозно вмешани во криминал, а лица од најголема доверба на премиерот во континуитет се...
(Видео) Масовни кремирањa, сè мириса на смрт во Мјанмар: преживеаните во очај, луѓето клекнати на улица и плачат
Сè послаби се надежите во Мјанмар дека ќе се пронајдат живи луѓе по разорниот земјотрес од 7,7 степени според Рихтеровата...
Во Козле, во „8 Септември“ или во странство ќе одат на рехабилитација пациентите со потешки повреди, кои следната недела ќе почнат да се враќаат
Во текот на оваа недела од лекување во странство најавено е дека ќе се враќаат пациентите што се целосно закрепнати,...
93 пациенти повредени во пожарот во Кочани закрепнаа, уште 100 се лекуваат во странство и во домашните болници
Од вкупно 193 повредени во пожарот во Кочани, 93 пациенти закрепнаа и заминаа на домашно лекување, а во болниците во...
(Видео) Грција ја зафати невидено невреме, уништени омилените туристички места
Страшното невреме што ја зафати Грција речиси инстантно ги уништи омилените места за одмор во оваа земја. Некои од најубавите...
„Кој му ги дал службените тајни на обезбедувачот на Мицкоски“, прашува СДСМ
„Обезбедувањето на Мицкоски е составено од најголемите криминалци во државата, кои тој лично ги одбрал на тие позиции. Оттука се...
Нема знаци за живот под урнатиот облакодер во Бангкок: „Ќе копаме уште“
Гувернерот на Бангкок Чадчарт Ситипунт изјави дека не се откриени знаци на живот во урнатините на облакодер во главниот град...
Првото патување на Трамп ќе биде во Саудиска Арабија
Американскиот претседател Доналд Трамп вчера изјави дека планира да ја посети Саудиска Арабија уште во мај за да потпише инвестициски...
(Видео) Кина одржува воени вежби околу Тајван, објави анимација: „Паразитот го труе островот“
Кина го распореди својот носач на авиони Шандонг и други бродови околу Тајван, објави денеска тајванското Министерство за одбрана, додека...
(Видео) Додик се огласи по неколкудневен молк: Пристигнав во Москва
Лидерот на босанските Срби, Милорад Додик, по кој трагаат правосудните органи и полициските агенции во Босна и Херцеговина, вчера вечер...
ФФМ најави дисциплинска постапка за натреварот во Тетово: За вакви нелуѓе нема место во фудбалот
Фудбалската федерација на Македонија најави санкции за фудбалскиот клуб Шкендија, чии навивачи денеска предизвикаа скандал со недоличното однесување пред почетокот...
(Видео) Навивачи на Шкендија наместо молк за жртвите од Кочани, пееја и исвиркуваа
Натпреварот меѓу Шкендија и АП Брера од Струмица го одбележа недолична сцена на почетокот на мечот кога домашните навивачи решија...
