Свет
САД: Пол Рајан повторно предложен за челник на Претставничкиот дом
Републиканците во Претставничкиот дом САД очекувано во вторникот едногласно повторно го именуваат Пол Рајан за кандидат за претседателот на новиот Конгрес следната година, соопштија под одржувањето на конгресот на Републиканската партија.
Четириесет и шестгодишниот Пол Рајан на гласањето затворено за јавноста на Капитол Хил едногласно е именуван за официјален кандидат на Републиканската партија за должноста претседател на долниот дом на американскиот Конгрес, или ткн „спикер“, кој веќе оваа должност ја извршува една година, а на тоа не се противеле ултраконзервативците од фракцијата Чајанка (Tea Party).
„Ми претставува чест што колегите ме именуваа за претседател на Претставничкиот дом Сега е време да се биде смел“, реагираше на Twitter Пол Рајан.
Републиканците на изборите од 8-ми ноември го задржаа мнозинството во двата дома на Конгресот, Претставничкиот дом и Сенатот. Новоизбраните пратеници ја преземаат должноста на 3-ти јануари.
Претседателот на Претставничкиот дом ќе се избира по божикните и новогодишните празници, на почетокот од јануари кога ќе гласаат сите пратеници, и републиканците и демократите.
Демократите својот челник ќе го избираат на 30-ти ноември. Во моментов тоа е 76-годишната Ненси Пелоси, но на нејзиното место може да дојде кандидат од новата генерација, 43-годишниот Тим Рајан./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бебе застрелано од мало дете кое во паркиран автомобил посегнало по наполнет пиштол во САД
Бебе било застрелано и убиено од мало дете кое додека биле во паркиран автомобил посегнал0 по наполнет пиштол и го повлекло чкрапалото, соопшти полицијата.
Пукањето се случило на паркинг во близина на медицински центар во Сан Антонио, Тексас.
Во возилото имало три деца и една жена, изјави началникот на полицијата на Сан Антонио, Вилијам Мекманус.
„Деца на возраст од 3, 2 години и 10 или 11 месеци биле во задниот дел на возилото“, рече тој.
Едно од постарите деца се фатило за наполнет долг пиштол што бил во задниот дел на возилото и „случајно го повлекол чкрапалото“, пукајќи во најмалото дете, рече началникот.
„Ова што го имаме денес овде е ужасна, страшна трагедија“, рече Мекманус на брифинг со новинарите.
Свет
Бразилскиот претседател Лула е стабилен по повредата на главата
Бразилскиот претседател Луис Инасио Лула да Силва се чувствува добро денеска откако се здоби со повреда на главата во неговиот дом во текот на викендот, кога доживеа мало крварење на мозокот, изјави бразилскиот министер за институционални односи Александре Падиља.
Според лекарите Роберто Калил и Ана Хелена Гермољо, нов контролен преглед ќе биде извршен за 72 часа, пренесува Ројтерс.
Лекарите исто така потврдија дека бразилскиот претседател може да ја продолжи својата нормална работна рутина.
Свет
Ердоган: Турција сака да ја подобри соработката со БРИКС
Турција сака да ја подобри соработката со БРИКС и очекува дека претстојниот самит во Казан ќе даде поттик на овој потфат, изјави денеска турскиот претседател Реџеп Таип Ердоган.
„Искрено сакаме да ја продлабочиме нашата соработка со БРИКС. Верувам дека самитот во Казан значително ќе придонесе за овие напори“, рече Ердоган во Анкара.
Според турската телевизија ТРТ Хабер, Ердоган потврдил дека „на покана на рускиот претседател Владимир Путин утре ќе го посети Казан за да учествува на проширената средба на лидерите на БРИКС“.