Свет
Сириската армија зазема ново важно упориште на бунтовниците во источно Алепо

Сириските војници со поддршка на сојузничките провладини локални милиции целосно под своја контролата го заземале квартот Масакин-Ханано, едно од најголемите и стратешки најважни упоришта на бунтовничките исламистички групации во источниот дел на вториот по големина град во земјата Алепо, пренесува во саботата либанската арапска телевизија.
Единиците на сириската војска на владата на претседателот Башар ал-Асад неколку дена под жесток оган ја држеа населбата Масакин-Ханано, кој фактичко го отвора преминот од северниот дел подлабоко кон источните квартови на Алепо. Владините сили во овој сектор главно се борат со вооружената коалиција Џаеш ал-Фатах, во која е и Џебхат ал-Фатах ал-Шам, поранешната Џебхат ан-Нисра сириското крило на Ал Каеда.
Уште во понеделникот сириските владини сили ги пробија првите борбени пробија позиции на бунтовниците во Масакин, но дури во сабота успеале да го да го скршат отпорот и потполно да ја преземат контролата врз квартот.
Во меѓувреме, дел од војниците се оставени да вршат чистење на квартот, а дел веќе се упатени во операцијата за заземање на квартот Хајдари, кој уште е под контрола на бунтовниците, пренесе државната новинска агенција SANA. Во извештајот се наведува дека војската настојува да го подели териториите кои се контролирани од бунтовничките групи на три зони, потоа да ги опколи и да ги принуди да го положат оружјето. Нападот се поддржан со силен артилериски оган, се додава.
Во вторникот сириската команда ги повика бунтовниците кои уште се утврдени во некои од источните квартови на северниот град Алепо „да го искористат најновиот указ за општа амнестија, и да го положат оружјето, враќајќи се на секојдневниот живот“. Војската, исто така, бараше радикалните исламистички групи да го прекинат крвопролевањето бомбардирајќи станбени населби и да не го користат населението како човечки штит.
Последните неколку месеци ситуацијата во Алепо е крајно влошена по пропаѓањето на американско-рускиот договор за примирје, откако сириската армија најави операции за целосно враќање на контролата на стратешки важниот град кој од 2014 година е поделен на квартови кои ги држат владините сили и квартови на истокот под контрола на вооружените опозициски сили кои се во коалиција со радикалните исламисти. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Шпанија со закон го забранува извозот на оружје во Израел: „Сакаме да се стави крај на геноцидот во Газа“

Шпанските пратеници денес гласаа за закон со кој се воведува ембарго за извоз на оружје во Израел, мерка што долго време ја заговараше социјалистичкиот премиер Педро Санчез за „запирање на геноцидот“ во Газа.
„За“ гласаа 178 пратеници, а 169 беа против. Малцинската влада на социјалистичкиот премиер конечно ја доби поддршката од четири пратеници од крајно левичарската партија Подемос, која не откри како ќе гласа до денеска наутро.
Шпанското ембарго е на сила од октомври 2023 година, но социјалистичката влада сакаше да ја „зацврсти правно“ одлуката.
Санчез го објави тоа на 8 септември, по што израелската влада реагираше жестоко, но Израел го повлече својот амбасадор од Шпанија во 2024 година, откако Мадрид ја призна Палестина.
Регион
Вучиќ: Турција сонува повторно да ја обнови Отоманската Империја

По пристигнувањето на турските беспилотни летала во Приштина, имаше остра реакција од српскиот претседател Александар Вучиќ, кој ја обвини Турција дека сонува за обнова на Отоманската Империја. Со овој потег, Србија премина од „златно доба“ во односите со Турција и пријателството со Ердоган на отворени политички тензии за само една година, пишува N1.
Косовскиот премиер Албин Курти претходно објави на Фејсбук дека пристигнале беспилотните летала, додавајќи дека десетици безбедносни сили веќе се обучени да ги користат.
Курти објасни дека договорот со турската компанија Бајкар бил потпишан во декември минатата година, а дроновите биле испорачани три месеци пред предвидениот рок. Тој нагласи дека Косово „продолжува да ја зајакнува ударната моќ на својата армија“ со модерна технологија.
Реагирајќи на веста, Вучиќ остро го осуди потегот на Турција, велејќи дека е „ужасен“ и дека тоа „јасно покажува дека Турција не сака стабилност на Западен Балкан“.
„Згрозен сум од однесувањето на Турција и грубото кршење на Повелбата на ОН и Резолуцијата 1244 на Советот за безбедност на ОН, како и од континуираното вооружување на властите во Приштина. Сега е сосема јасно дека Турција не сака стабилност на Западен Балкан и дека сонува за оживување на Отоманската империја. Србија е мала земја, но ние добро ја разбравме пораката“, рече Александар Вучиќ.
Реагираше и владината Канцеларија за Косово и Метохија, а нејзиниот директор Петар Петковиќ ја повтори оценката на Вучиќ дека Србија „ја разбрала пораката“ и дека „не е случајно“ што беспилотните летала биле доставени во Косово три месеци пред предвиденото.
Турција го направи ова, смета Петковиќ, „само неколку дена пред локалните избори“, со цел да му ја обезбеди на премиерот на Приштина „потребната поддршка пред изборите на 12 октомври, за да може да продолжи да го тероризира српскиот народ“.
Петковиќ рече дека Белград „ќе продолжи одговорно да го зачувува мирот и стабилноста, и покрај вооружените сојузи што се создаваат на штета на мирот и претставуваат директна закана“.
Фото: ЕПА
Свет
Белорусија испраќа рекордни количини бензин во Русија

Белорускиот железнички извоз на бензин во Русија се зголеми за четири пати во септември во однос на претходниот месец, бидејќи Москва се справува со недостиг на гориво предизвикан од украинските напади врз нејзината енергетска инфраструктура, објавија извори од индустријата синоќа, објави „Ројтерс“.
Неколку руски региони беа принудени да воведат мерки за штедење и привремено да ги замрзнат цените на горивата во последните недели. Причината е недостигот на популарни видови бензин предизвикан од напади со беспилотни летала насочени кон рафинерии и други енергетски објекти.
Како одговор, Москва, исто така, го ограничи извозот на бензин и дизел. Ова не е првпат Русија да се потпира на соседна Белорусија, таа, исто така, го зголеми увозот на гориво минатата година за да го покрие недостигот на пазарот.
Според извори, пратките на бензин со железница од белоруските рафинерии до рускиот домашен пазар минатиот месец достигнаа 49.000 метрички тони, што е еквивалентно на 14.500 барели дневно. Заедно со бензинот, испораките на дизел во септември изнесуваа 33.000 тони.