Свет
Сириската војска навлезе во источните квартови на Алепо
Војниците на силите на сириската влада напредуваат во операцијата за заземање на источните квартови на северниот град Алепо, пишува електронското издание на весникот Al-Watan, наведувајќи воени извори.
Според весникот, сириската војска во вторникот направила пробив од обиколницата Џундал кон плоштадот Баидин, при што имала поддршка од палестинската бригада Лива ал-Кудс, којашто извршила напад од правецот на поранешниот палестински бегалски логор Инзарет.
Истовремено сириската артилерија ги гранатирала позициите на милитантите во квартот Маскин-Ханано. Според Al-Watan, овој квартал има стратешко значење односно го опфаќа преминот длабоко во источниот дел на градот од северната страна. Борците на радикалната исламистичка групација Џебхат Фатах ал-Шам, поранешната Џебхат ан-Нусра односно сирискиот крило на Ал Каеда, се обидуваат да ја задржат контролата над оваа населба, и ги зацврстуваат позициите во квартот, пишува весникот.
Сириските сили претходно успеале да заземат пет позиции кои овозможуваат напредување во Маскин-Ханано и да продолжат со напредувањето.
Командата на сириската армија претходно во вторникот ги повика вооружените групации во источните населби на Алепо да престанат да ги користат цивилите како жив штит и да им овозможат на цивилите да ги напуштат источните делови од градот пред нејзиниот решавачки напад.
Во соопштението коешто го пренесе сириската службена агенција SANA, сириската војска ги повикува вооружените групи „да ги деминираат премините кон хуманитарните коридори, отворени за доставување храна и продукти за населението на коешто му се неопходни“. Во објавата се укажува дека во прв ред евакуирани треба да бидат ранетите и болните.
„Сириската армија располага со прецизни информации за местата на кои се концентрирани милитантите, магацините и командните штабови. Војската ги следи сите нивни активности“, се наведува во соопштението во кое цивилното население се повикува „да соработува со армијата и да ги напушта своите домови само во крајна нужда“. Војската апелира до цивилите „да се држат настрана од објектите кои ги држат бандитските групи“.
Истовремено на бунтовничките борци повторно им е понудена амнестија, доколку „го положат оружјето и се вратат на нормалното живеење, сфаќајќи дека крвопролевањето е бескорисно“.
Жестоките судири продолжуваат околу јужното предградие Шеик-Саид, каде што се водат борби меѓу владините сили и групацијата Ахрар ал-Шам. Според информативниот портал Surya al-Ain, еден од командантите на групацијата Абу Харис бил убиен во напад на сириската војска. Се известува и дека биле уништени неколку единици оклопни возила и теренски возила опремени со тешки митралези.
На западот од Алепо цел на нападите на владините сили било предградието ал-Манур и приградските населби Рашидин-4 и Рашидин-5./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Објавено писмото што Меланија му го испрати на Путин, Трамп лично му го врачи
„Фокс њуз“ го објави писмото од првата дама на САД, Меланија Трамп, кое лично му го достави американскиот претседател Доналд Трамп на Владимир Путин за време на самитот во Алјаска.
Ја пренесуваме содржината на писмото во целост:
„Почитуван претседателе Путин,
Секое дете носи исти тивки соништа во своето срце, без разлика дали е родено во скромен рурален пејзаж или во прекрасен градски центар. Тие сонуваат за љубов, можности и заштита од опасност.
Како родители, наша должност е да ја негуваме надежта на следната генерација. Како лидери, нашата одговорност за иднината на децата оди подалеку од удобноста на малкумина. Нема сомнение дека мора да се стремиме да обликуваме свет исполнет со достоинство за сите – за секоја душа да може да се разбуди во мир и за самата иднина да биде совршено заштитена.
Едноставна, но длабока мисла, господине Путин, со која сум сигурна дека се согласувате, е дека потомците на секоја генерација го започнуваат својот живот со чистота – невиност што стои над географијата, владата и идеологијата.
И сепак, во денешниот свет, некои деца се принудени да носат тивки насмевки, недопрени од темнината околу нив – тивок гест на пркос против силите што можат да им ја одземат иднината. Господине Путин, вие самите можете да им го вратите мелодичниот смев.
Со заштита на невиноста од тие деца, ќе правите повеќе отколку само да ѝ служите на Русија – ќе му служите на самото човештво. Таквата смела идеја ги надминува сите човечки поделби, а вие, господине Путин, сте човекот способен да ја реализирате таа визија со еден потег на пенкалото денес.
„Време е“, се вели во писмото на Меланија Трамп до рускиот претседател.
Како што објави Ројтерс вчера, за време на состанокот, Трамп лично му го предаде на Путин писмото од неговата сопруга.
Меланија Трамп, родена во Словенија, не патуваше со американскиот претседател во Алјаска.
Свет
Мелони планира да присуствува на средбата меѓу Трамп и Зеленски во Вашингтон
Италијанската премиерка Џорџа Мелони го најавува своето учество на средбата меѓу американскиот претседател Доналд Трамп и украинскиот лидер Володимир Зеленски, закажана за 18 август во Вашингтон.
Според италијанските медиуми, нејзината намера е да ја покаже сопствената улога во решавањето на украинската криза, која, според нив, се разликува од пристапот на другите европски лидери.
Во исто време, владите на Германија, Франција и Велика Британија треба да одлучат еден ден порано, на 17 август, дали нивните лидери – канцеларот Фридрих Мерц, претседателот Емануел Макрон и премиерот Кир Стармер – ќе патуваат во Соединетите Држави на истата средба. Според достапните информации, западните сојузници се обидуваат да настапат на координиран начин и да избегнат впечаток за паралелни или демонстративни состаноци, но сè уште не добиле официјална покана за Вашингтон.
Од друга страна, украинскиот пратеник Артем Дмитрук изрази сомнежи во намерите на Зеленски, тврдејќи дека тој ќе ги искористи сите можни политички потези за да ја задржи власта, и додаде дека претседателот повеќе не ја претставува волјата на мнозинството Украинци во процесот на барање мир.
Некои медиуми претходно објавија дека е најавен трилатерален состанок, на кој, покрај Трамп и Зеленски, ќе учествува и рускиот претседател Владимир Путин.
Свет
(Видео) Силен земјотрес ја погоди Индонезија, десетици повредени
Десетици луѓе беа повредени во земјотрес со магнитуда од 6,0 степени што го погоди централниот Сулавеси во Индонезија рано утрово.
Земјотресот, на длабочина од 10 километри, го погоди регионот Посо и беше почувствуван во блиските области. Дваесет и девет лица беа повредени, од кои две критично, според соопштението за медиумите.
Sismo magnitud 6.0 en Indonesia deja daños en una iglesia, personas quedaron atrapadas bajo los escombros, esto sucedió 17 de agosto por la mañana#earthquake #terremoto #ULTIMAHORA #URGENTEpic.twitter.com/KdV1GgdbJj
— KL Videos (@KL_Videos) August 17, 2025
Засега нема извештаи за смртни случаи.
A 5.8 magnitude earthquake struck 14 km north of Poso Regency, Central Sulawesi province, Indonesia, on August 17, 2025, at 6:38 AM local time.
— DisasterAlert (@DisasterAlert2) August 17, 2025
Индонезија се наоѓа на таканаречениот „Тихоокеански огнен прстен“, високо сеизмички активна зона, каде што се среќаваат различни плочи на Земјината кора и создаваат голем број земјотреси.
ВМРО-ДПМНЕ: Фрчкоски добил 200 илјади евра од Еразмус+, наместо младите
ВМРО-ДПМНЕ обвини дека пари од програмата Еразмус+, наменети за образовни проекти за младите, завршувале кај поединци блиски до СДСМ. Во...
Влен: Османи 20 години гради кариера, без проекти за Чаир
Коалицијата „Влен“ го критикуваше Бујар Османи, наведувајќи дека во изминатите 20 години тој градел лична политичка кариера, но не реализирал...
Повеќето пожари изгаснати, под контрола еден – ‘Јасен’ сè уште гори
До 8 часот утринава регистрирани се вкупно 27 пожари на отворен простор, соопшти Центарот за управување со кризи (ЦУК). Од...
Трамп не им кажал на сојузниците во Европа какви отстапки би можел да направи Путин
По средбата во Алјаска, американскиот претседател Доналд Трамп разговараше со европските лидери, но не прецизираше какви отстапки би можел да...
Зеленски го отфрли планот на Путин и Трамп
Украинскиот претседател Володимир Зеленски го отфрли предлогот на Владимир Путин Украина да се повлече од Донецк и Луганск како дел...
Запален штаб, солзавец, шок бомби – масовни протести во Србија
Синоќа имаше смасовни протести во повеќе градови низ Србија, меѓу кои Белград, Ваљево, Милановац, Книќ и Нови Сад. Пред седиштето...
(Вознемирувачко видео) Полицијата на раце носи жена што се обиде да се самоубие скокајќи во Вардар
Денеска (16.08.2025) околу 14 часот во СВР Скопје е пријавено дека во реката Вардар во Скопје, под мостот на ул....
Собранието не ги донесе измените и дополнувањата на Изборниот законик
Собранието денеска во рамки на 66. седница не ги донесе измените и дополнувањата на Изборниот законик со кои требаше да...
Собранието одлучи по скратена постапка да бидат донесени измените и дополнувањата на Изборниот законик
Собранието денеска одлучи по скратена постапка да бидат донесени измените и дополнувањата на Изборниот законик, кои, меѓудругото, го регуралираат учеството...
Им побарал 10.000 евра за да им среди во постапки во Кривичен и Апелационен суд во Скопје
Јавен обвинител од Основното јавно обвинителство за гонење на организиран криминал и корупција донел Наредба за спроведување истражна постапка против...
Левица: Штрајкот во пералната на Клинички центар е аларм за распад на јавното здравство
Штрајкот на вработените во пералната на Клиничкиот центар „Мајка Тереза“ е аларм за целосен распад на јавното здравство, предупредуваат од...
(Видео) Кога во пожар не може пинцгауер, гранка му е мајката: Ангелов со малку шега го покажа херојство на четата на Цветко од Рогачево
Со лопати, стапови, гранки во рацете и светилки на главите седуммина доброволци од Рогачево заедно со екипите на Дирекцијата за...
Лажна дојава за бомба ноќеска на скопскиот аеродром
Ноќеска во 02:41 часот, на телефонскиот број за итни случаи 112 е добиена пријава за поставена бомба во авион кој...
Владимир Путин доби писмо од Меланија Трамп за киднапираните деца за време на војната во Украина
Сопругата на американскиот претседател Доналд Трамп, Меланија, го покрена прашањето за тешката положба на децата во Украина и Русија во...
Трамп и Путин се ракуваа, а во Украина се огласија сирени за воздушен напад преку руските беспилотни летала
Во Анкориџ, Алјаска, со надлетувања на борбени авиони, црвен тепих и слоганот „Стремеж за мир“, американскиот претседател Доналд Трамп го...
Трамп и Путин не постигнаа договор за прекин на војната во Украина
Претседателите на САД и Русија, Доналд Трамп и Владимир Путин, не постигнаа договор за прекин на војната во Украина по...
(Видео) Прашањето за цивилите, возењето во лимузината и ракоплескањето во фокус во јавноста по стартот на средбата меѓу Трамп и Путин
За време на средбата во Алјаска, американскиот и рускиот претседател, Доналд Трамп и Владимир Путин, позираа пред собраните фоторепортери. Во...
(Видео) Трамп и Путин на историска средба во Алјаска, состанокот би можел да трае со часови
Претседателите на САД и Русија, Доналд Трамп и Владимир Путин се сретнаа во Алјаска. Откако се поздравија, се ракуваа и...
Трамп: Европа нема да ми каже што да правам, ако состанокот со Путин не е добар – ќе си заминам
Американскиот претседател Доналд Трамп е на пат кон Алјаска каде што ќе има историска средба со рускиот лидер Владимир Путин....
Поднесена кривична пријава против ексдиректорката од Демир Хисар за криење службени печати
Полицијата поднесе кривична пријава против поранешна директорка на средно училиште во Демир Хисар поради одземање или уништување службен печат или...
