Свет
Трамп го избра Прибас за шеф на кабинетот, Бенон за висок советник

Новоизбраниот американски претседател Доналд Трамп гои именуваше во неделата Рајнс Прибас за шеф на својот кабинетот на неговите соработници во Белата куќа, а Стив Бенон за главен стратег и висок советник, што се првите две поважни одлуки на Трамп за неговите соработници.
Именувањата се објавени на официјалната страница на тимот кој е задолжен за транзицијата на новата администрација. Рајнс Прибас, е претседател на Националниот Комитет на Републиканската партија, а Стив Бенон е шеф на ултраконзервативниот портал Bretbart News, и беше главен лидер во кампањата на ДоналдТрамп.
Во соопштението се наведува дека Бенон и Прибас „ќе работат како рамноправни партнери за да се трансформира федералната влада, за да се направи поефикасна и продуктивна“.
„Одушевен сум што мојот многу успешен тим ќе продолжи заедно со мене да ја видиме нашата земја. Стив и Рајнс се високо квалификувани водачи кои добро заедно работеа во кампањата и нé доведоа до историска победа. Сега ќе ги имам двајцата во Белата куќа додека работиме Америка повторно да ја направиме голема“, вели Трамп во писмената изјава.
Прибас и Бенон, исто така, ќе бидат вклучени и во формирањето на новата влада, заедно со избраниот потпретседател Мајк Пенс.
Според весникот The New York Times, на должноста шеф на кабинетот на Белата куќа, за која не е потребна потврда во Сенатот на американскиот Конгрес, покрај Прибас и Бенон, претендирал и 35-годишниот Џаред Кушнер, зет на Доналд Трамп за ќерата Ивана. Последниот, според сознанијата на весникот, исто така,ќе биде еден од советниците на новиот претседател на САД./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.