Свет
Трамп повика на јакнење на американските нуклеарни капацитети, Милер го појаснува

Новоизбраниот американски претседател Доналд Трамп, во четвртокот изјави дека САД би требало да ги зајакнат своите нуклеарни капацитети сé додека светот „не се вразуми“, јавува Reuters и оценува дека би можел да го поддржи многу скапото модернизирање на застарениот американски нуклеарен арсенал.
„САД многу мора да ги зајакнат и прошират своите нуклеарни капацитети, сé додека светот, кога во прашање е вооружувањето, не се вразуми во однос на нуклеарните бомби“, порача Доналд Трамп преку Twitter.
Во текот на следната деценија, на американските подморници со балистички проекти, борбените авиони и крстосувачки ракети ба подвижните лансирни рампи им истекнува векот на траењето. Се очекува дека модернизирањето и одржување на овој арсенал би можел да чини околу билион долари во следните 30 години,.
Подоцна во петокот, Џејсон Милер, портпаролот на Трамп, појасни дека изјавата на новиот американските претседател за јакнењето на нуклеарните капацитети на земјата дека тој ја имал предвид неопходноста од спречување на ширењето на нуклеарно оружје.
„Избраниот претседател Трамп мислеше на заканата од ширење на нуклеарното оружје и критичната потреба од спречувањето на тоа, особено меѓу терористичките организации и нестабилните режими“, го цитира во петокот Reuters портпаролот на Трамп.
Трамп кој победи на претседателските избори на 8-ми ноември ја презема должноста на 20-ти јануари, ја водеше предизборната кампања на основа на јакнењето на американските вооружени сили, но исто така вети и намалување на даноците и надзор на трошоците на сојузните држави./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.
Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.