Борците на сунитската џихадистичка група Исламска држава (IS), поранешната Исламска држава во Ирак и на Левантот (ISIL) нападнале црква во Мосул во северен Ирак во неделата и грабнале двајца свештеници и монахиња, додека во соседна Сирија каде што исто така под контрола има големи области протерала повеќе од 30.000 жители од нивните села во источната покраина Деир Езор,

Највисокиот христијански поглавар во Ирак, калдејскиот католички патријарх Луј Рафаел Први Сако, изјави во неделата дека во Ирак пред 2003 година 1,2 милиони христијани, а денес ги има најмногу 500 илјади.Додал дека покрај двајцата свештеници и монахињата кои биле грабнати последните два дена, уше две калуѓерки и три сирачиња штитеници на манастир од северната покраина се исчезнати од вторникот.Во саботата телевизијата Al-Arabiya извести дека ‎сунитските радикални бунтовници ги разурнале светилиштата и џамиите во вториот по големина ирачки град Мосул кого го заземаа на почетокот од јуни. Најмалку четири сунитски и суфиски светилишта, како и шест шиитски џамии се уништени во областите на северната ирачка провинција Нинива, чиј главен град е Мосул, кој од 9-ти јуни се наоѓа под целосна контрола на сунитските бунтовници. Фотографиите кои на интернет ги објавија борците на џихадистичката група Исламска држава (IS), поранешната Исламска држава во Ирак и на Левантот (ISIL) покажуваат булдожери кои уриваат сунитски и суфиски светилишта. Шиитските џамии биле уништени со експлозив, а џихадистите заземале и сквернавеле две христијански цркви. Од нив ги симнале крстовите и го истакнале црното знаме на џихадистичката група.Во противофанзивата која почна ирачката армија за да го запре напредувањето на ISIL авионите во областа ал-Рашидија во северен Мосул ги бомбардирале позициите на џихадистите. Во нападот загинале два цивила, а 32 се ранети, изјавиле очевидци за агенцијата DPA.Исламската држава (IS), која е обвинета за најстрашните злосторства, „ги принуди триесетина илјади мештани да ги напуштат своето село Шухеил“, кое во четвртокот го презема од Фронтот ан-Нусра, сирискиот огранок на Ал Каеда за која се борат и десетици исламисти од Балканот, објави во неделата опозициската Сириска опсерваторија за човекови права (SOHR) со седиште во Лондон која се потпира на извештаите на своите активисти на теренот. Покрај тоа, IS око 30 илјади луѓе биле спречени да се вратата во Хачам и Табија, села во покраината Деир Езор, којашто од крајот на јуни е под контрола на џихадистите, пренесува AFP повикувајќи се на извештајот на SOHR.Иако Исламската држава и Џебхат (Фронтот) ан-Нусра имаат иста џихадистичка идеологија, овие две групи завојуваа кога втората ѝ се придружи на коалицијата на вооружените бунтовници кои се борат против IS. Исламската држава, која освои делови од Сирија и Ирак, прогласи калифат кој опфаќа области од двете соседни држави, од северните ирачки покраини до сириската граница со Јордан.SOHR објави дека илјадници Сиријци спијат под ведро небо, без вод аи храна, како и дека Исламската држава објавила дека преговара за судбината на 83 илјади луѓе во трите села во Деир Езор, во сириската покраина богата со нафтени наоѓалишта./крај/мф/сн

Извор: Макфакс