Тензиите во Израел кулминираа во вторникот со повеќе напади во Ерусалим и во централниот град Раананa во коишто се убиени најмалку три лица, а ранети се повеќе од 20, пренесуваат медиумите.

Прво во вторникот утрото е Раананa, каде еден Израелец е полесно повреден, а потоа следеа уште неколку два одвоени напади во различни населби во Ерусалим, па уште еден во Раанана.

Двајца жители на арапски кварт во Ерусалим напаѓачи отворија оган и избодеа патници во автобус, а нивен сонародник со автомобил се втурнал во луѓе кои стоеле на автобуска постојка и излегувајќи од возилото со нож ги напаѓал минувачите. Едно лице е убиено, а повеќе се ранети.

„Тројца Израелци се убиени во терористички напади кои беа изведени во Ерусалим претпладнево. Двајца во автобус нападнат од терористи, и еден во напад во централното подрачје на градот“, изјави портпаролот на израелската полиција, Мики Розенфелд.

Во нападот во автобусот биле ранети пет лица, полицијата убила еден од напаѓачите, а другиот го уапсила.

Уште два напада квалификувани како терористички акти се случиле во гратчето Раанана, во централниот дел од Израел, во близина на Тел Авив, и според полициски извештаи во нив се повредени најмалку пет лица. Во повторениот инцидент во ова гратче се ранети најмалку четворица.

Веќе две седмици траат секојдневните судири во Израел и на палестинските територии кои започнаа со убиството на доселеничка израелска брачна двојка во близина на градот Наблус на Западниот брег, поттикнато делумно од стравувањето на Палестинците дека Израел сака да го смени статусот на Платото на џамијата во источен Ерусалим – во Стариот град, каде што се наоѓа џамијата Ал Акса, едно од трите најсвети места на исламот. Ова локација е позната кај Евреите како Брдото на храмот, каде што се наоѓаат останки од древен хебрејски храм, и таму можат да одат но не и да се молат.

Во овие судири, кои се проширија и на палестинската енклава Појасот Газа, загинаа најмалку 6 Израелци и 27 Палестинци, од кои осум деца, според палестински болнички извори, и девет напаѓачи, според израелската полиција.

Главните политички палестински групи, како Фатах кој владее на Западниот брег и исламистичкиот Хамас кој ја контролира Газа, вторникот го прогласија за „Ден на гневот“ во Појасот Газа, источен Ерусалим и на Западниот брег, а челниците на израелските Арапи повикаа на протести.

Се стравува дека овие насилства претставуваат почетокот на третата палестинска интифада (востание).

Ситуацијата многу потсетува на онаа од септември 2000 година, кога избувна втората интифада, по првата од 1987 година, кога исто така владееја фрустрациите предизвикани кај двете страни од неуспешните мировни преговори. Непосреден повод за тоа, исто така, беше посетата на Ридот на храмот на тогашниот челник на израелската опозиција Ариел Шарон. Тоа свето место, кое е третото свето место во исламот, на кое се наоѓаат џамијата Ал Акса и Куполата на карпата, како и остатоците од древниот Ерусалимски храм, повторно е во центарот на збиднувањата.

Палестинците го обвинуваат Израел дека сака системски и дефинитивно да го промени статус-квото коешто се почитуваше со децении, според кој Евреите може да го посетуваат Ридот, но и таму да се молат. Израелскиот премиер Бенјамин Нетанјаху одлучно отфрли каква и да е намера тоа да го промени. Повиците на радикалните еврејски групации и партии да се дозволи молитва на Ридот, па дури и да се уништат двете џамии и повторно да се изгради Ерусалимскиот храм, според него, не ја одразуваат и политиката на владата./крај/мф/сн

Извор: Макфакс