Јапонија во саботата во Нагасаки ја одбележа 69-годишнината од американскиот напад со атомска бомба, само три дена по првиот во Хирошима, во кој загинаа уште 74 илјади луѓе.

Комеморацијата за сите жртви од атомските напади во Нагасаки ја предводеше јапонскиот премиер Шинзо Абе, а присуствуваа преживеани граѓани на Нагасаки и многу странски функционер, меѓу кои и американската амбасадорка Керолајн Кенеди. Таа пред три дена, на 6-ти август присуствуваше и во Хирошима каде што како директно или како последица од атомскиот напад на САД загинаа околу 140 илјади луѓе.Амбасадорката Кенеди им се заблагодари на „жителите на Нагасаки што ја поканија да учествува во одбележувањето на сеќавањето на жртвите на нападот, како и на нивната посветеност во изградбата на светот со повеќе мир“.Градоначалникот на Нагасак, Томихиса Тауе, ја повика јапонската влада да обрати внимание на сѐ поголемата загриженост на тамошната јавност во врска со неодамнешната ревизија на безбедносните политики на земјата.  Имено, на почетокот од јули, јапонската влада го одобри учествувањето на јапонските сили во операции надвор од земјата. Слична критика за владата на Абе пред три дена упати и градоначалникот на Хирошима, Казуми Мацуи, кој е познат како неуморен активист против нуклеарното вооружување. Меѓутоа, промената на овој ткн. „американски амандман“ во јапонскиот устав, не беше критикуван и од саите САД. Јапонија не смее да има постојани сили, коишто би можела да ги испраќа преку границите, како казна за нејзиното учество во текот на Втората светска војна на страната на поразената ткн .Тројна оска, односно Берлин – Рим – Токио.Премиерот Абе смета дека Јапонија би требало да ја промени својата безбедносна политика и воена улога поради заканите од Кина и Северна Кореја, како и поради можноста да им пружи помош на сојузниците во регионот, во прв ред САД и Јужна Кореја.Јапонија има добро опремени и обучени вооружени сили, но постојат строга рестрикции за нивно распоредување во странство. Според членот 9 од нејзиниот повоен Пацифички устав, Јапонија е блокирана да употреби воена сила во решавањето на меѓународните спорови, освен во самоодбрана. Меѓутоа, премиерот Шинзо Абе смета дека сака толкување на уставот и постигнување договор за тоа, што би можело да се случи уште во вторник.Овој негов потег силно ја поларизираше јапонската јавност. Критичарите на неговата намера предупредуваат дека во тој потег се забележува зголемување на милитаризмот, додека конзервативците тврдат дека уставното ограничување претставува двоен стандард за принуда врз Јапонија.Аналитичарите предупредуваат на критиките на Кина за планот на Абе, којашто и самата многу вложува во воените сили, но сепак сметаат дека за тоа ќе биде потребна и согласност од САД со кои Јапонија има долгорочен безбедносен договор.Американскиот бомбардер „Б-92“ ја фрли „Енола геј“ на 6-ти август 1945 година, бомбата којашто Хирошима ја претвори во нуклеарен пекол и отвори нова страница во заканите од војните.Пред 69 години загинаа 140 илјади жители на Хирошима којашто тогаш имала 300 илјади жители, како од самата експлозија, така и од последиците на радијацијата со месеци и години подоцна. По Хирошима, на 9-ти август САД ја фрлија и втората атомска бомба врз Нагасаки, каде загинаа повеќе од 70 илјади луѓе. Тие напади ги забрзаа капитулацијата на Јапонија и вистинскиот крај на Втората светска војна на 15-ти август 1945 година.Градоначалникот на Хирошима, Казуми Мацуи, во четвртокот го повика американскиот претседател Барак Обама и „сите челници на земјите коишто поседуваат нуклеарно оружје, што побрзо да ги посетата градовите на атомската бомба“. „Кога тоа ќе го сторат, ќе сфатат дека нуклеарното оружје е апсолутно зло и дека тоа мора да се забрани“, додаде.Јапонија во 2007 година поднесе резолуција во Обединетите нации со која повикува на целосно укинување на нуклеарното оружје. Оваа резолуција ја поддржаа повеќето земји –170, а САД се една од трите држави кои се противат.Бомбата наречена „Малото момче“ е резултат на повеќегодишниот напор во рамките на американскиот проект „Менхетн“ со цел да се произведе нуклеарно оружје. Армијата на САД ги собрала најистакнатите американски и дотогаш нацистички германски физичари и математичари за да го забрзаат производство на атомско оружје. Првпат во историјата, по наредба на тогашниот американски претседател ХариТруман, нуклеарното оружје е употребено во војна./крај/мф/снИ на крајот, по игра на судбината, последниот член на екипажот од „Енола геј“, Теодор ван Кирк, кој почина на 93-годишна возраст беше погребан токму на 5-ти август./крај/мф/сн

Извор: Макфакс