Мажот кој во петокот упадна во комплексот на Белата куќа откако ја прескокнал заштитната ограда и дотрчал до зградата имал во автомобилот 800 куршуми, изјави во понеделникот американскиот државен обвинител.

Четириесет идвегодишниот Омар Гонзалес, облечен во портокалова работничка униформа, ветеран од војната во Ирак, беше уапсен во зградата на Белата куќа со ноќ со острица долга 9 сантиметри, во понеделникот беше изведен пред сојузниот во Вапингтон, објави ноќта кон вторникот AFP.„Преокупираноста на Гонзалес со Белата куќа и собирањето муниција (…) се опасни за претседателот“, изјавил на сослушувањето обвинителот Дејвид Муд. Додал дека во автомобилот на овој маж кој е опишан како „бездомник без приходи“ паркиран во близина на Белата куќа, биле пронајдени две секирчиња и мачета.Федералниот суд во Вашингтон во саботата против Омар Гонзалес подигна обвинение за нелегално влегување и поседување опасно оружје, за што му се заканува десетгодишна затворска казна. Тој ќе остане во притвор до следната судска расправа закажана за 1-ви октомври.Американската тајна служба соопшти дека Гонзалес  ја прескокнал оградата на Белата куќа од северната страна, истовремено додека претседателот Обама полетувал од јужната страна на комплексот. Според портпаролот на тајната служба, Ед Донован, Гонзалес успеал да претрча 250 метри по тревникот на резиденцијата на претседателите на САД. Според привичното официјалното соопштение, Омар Џ. Гонзалес не реагирал на повиците на полицајците, но не носел ништо со себе и не бил вооружен. Откако бил уапсен, бил пренесен на преглед во универзитетската болница „Џорџ Вашингтон“.Гозналес бил сопрен но не и уапсен и во август годинава додека минувал крај Белата куќа со секирче ставено во појасот, додал Муд. По овој инцидент кога накусо новинарите и персоналот во Белата куќа беа евакуирани во „сигурна соба“, покрената е истрага за безбедноста на резиденцијата на претседателот на САД. Претседателот Барак Обама изјави дека е „загрижен“ поради упадот на Гозналес, соопшти во понеделникот по локално време портпаролот на американската администрација, Џош Ернест. Обама сепак ја пофалил „добрата работа“ на Тајната служба, која се грижи за безбедноста на претседателот и другите високи функционери на САД, и во понеделникот им изразил „благодарност за сите жртви кои ги поднесуваат за него и за неговото семејство“.И министерот за татковинска безбедност Џех Џонсон се стави во обрана на Тајната служба. „Ве молам да не извлекувате пребрзо заклучоци и однапред да не носите суд за квалитетот на безбедносниот персонал кој има само неколку секунди да реагира, пред да бидат познати сите факти“, се вели во неговото соопштение.Ден по инцидентот на Гозналес, во саботата уште еден маж се обиде прво пешки а потоа и со автомобил да се приближи на Белата куќа, но беше уапсен.Американските медиуми забележуваат дека сличен инцидент кога натрапник брзо бил совладан откако ја прескокнал оградата на Белата куќа имало и минатата седмица, кога реагирале припадниците на тимот за итна реакција на Тајната служба, вклучително со дресирани кучиња./крај/мф/сн

Извор: AFP