Израелскиот премиер Бенјамин Натанјаху во разговор со американскиот државен секретар Џон Кери во петокот навечер изјавил дека израелската армија ќе ги сопре воените дејствија во палестинската енклава Појасот Газа во период од  12 часа во сабота.

Како што изјавил за Reuters неименуван извор од американската дипломатија, израелскиот премиер Бенјамин Нетанјаху на државниот секретар на САД, Џон Кери, му соопштил дека прекинот на огнот ќе започне во сабота во 7 часот наутро по локално време. Претходно беше соопштено дека израелскиот воено-политички кабинет ги отфрлил предлозите на Кери за прекин на огнот во Појасот Газа каде 18 дена израелската армија спроведува операција против палестинските милитанти од исламистичкото движење Хамас.Во меѓувреме американскиот државен секретар во петокот навечер изјави дека сѐ уште постојат несогласувања околу терминологијата за постигнување примирје во Газа и повика на седумдневно хуманитарно примирје во текот на муслиманскиот празник Рамазан бајрам следната седмица.„Работиме на тоа да се склучи седумдневно примирје, седум дена хуманитарно примирје во чест на муслиманскиот празник за да може луѓето да се натераат да работат заедно на воспоставување потраен, одржлив прекин на огнот кој би бил долгорочен“, изјави Кери на прес-конференцијата во египетската престолнина Каиро. Египет, како и повеќепати порано, се јави во улога на мировен посредник поведувајќи иницијатива за почеток на преговори за постигнување примирје.Генералниот секретар на Обединетите нации, Бан Ки-мун и шефот на египетската дипломатија Самех Шукри, кои во текот на прес-конференцијата го придружуваа Кери, го поддржаа повикот за прекин на борбите во текот на рамазанскиот Бајрам.Американскиот државен секретар, исто така, истакна дека е постигнат „сериозен напредок“ во насока на постигнување примирје, но дека останува уште многу работа која треба да се заврши, и додаде оти убеден дека израелскиот премиер Нетанјхау е одлучен во намерата да работи на постигнување примирје.Кери додаде дека Израел можеби отфрлил некои термини од предлогот за примирјето, но дена ниту имало „формален или конечен предлог, или предлог подготвен за гласање, кој би му бил понуден на Израел“. „Сѐ уште мораме да поработиме на некоја терминологија, но убедени сме дека имаме основна рамка која може и којашто во крајна линија ќе заживее“, истакна Кери.Малку пред прес-конференцијата во Каиро, израелската државна телевизија извести дека Израел го отфрлил американскиот предлог. „Безбедносниот кабинет едногласно го одби предлогот на американскиот државен секретар Џон Кери за примирје“, ајви телевизијата додавајќи дека членовите на кабинетот ќе продолжат да дискутираат за предлогот.Целиот петок од рано претпладнето траеја дипломатските преговори за да се постигне „хуманитарно примирје“ во војната меѓу Израел и Хамас во Појасот Газа. Според израелската државна телевизија, владата на премиерот Бенјамин Нетанјаху бара израелската армија да остане во Појасот Газа за да продолжи да ги уништува ткн „јуришни тунели“ кои Хамас ги прокопувал дури и во времето на примирјето.Се чини дека тој услов тешко ќе ја добие согласноста на палестинското исламистичко движење Хамас, кој од 2007 година по кусата војна со ривалското движење Фатах, од кое доаѓа претседателот на Палестинската самоуправа Махмуд Абаза, самостојно управува со Појасот Газа, каде на мало подрачје живеат 1,8 милиони луѓе.Предлогот за кој станува збор, Кери уште во средата му го изнесе на Нетанјаху, и тој предвидува седумдневен прекин на огнот период во кој израелските сили не би требало сосема да се повлечат од Газа. Двете страни, исто така, се повикуваат на почеток на преговори за траен договор со египетско посредување. Во разговорите би учествувало и палестинското раководство, се наведува уште во предлогот на Кери/Покрај тоа, САД, енералниот секретар на ОН и Европската унија би дале гаранции дека преговорите ќе бидат концентрирани на отстранување на ракетите и затворање на тунелите во Појасот Газа, како и на прекин на блокадата на оваа палестинска енклава и поправање на тешките штети нанесени во текот на израелската офанзива „Линија на одбраната“ започната на 8-ми јули.Како што изјавија за AFP извори блиски на израелската влада, кабинетот на Нетанјаху со шефот на американската дипломатија Кери разговарал за промени на предложениот план за примирјето. Посредниците сакаат примирјето да стапи на сила пред муслиманскиот празник Рамазан Бајрам кој почнува со следната седмица, но со соочуваат со речиси непомирливите барања на Израел и на Хамас.Во катарската престолнина Доха, шефот на турската дипломатија Ахмет Давутоглу се состана со водачот на Хамас во егзил, Халед Машал за да придонесе во напорите за воспоставување мир со Израел, соопштија турски извори. Давутоглу се сретнал со Машал и според анонимниот извор на CNNTurk разговарале за „праведно примирје“, а според оцените на истиот извор „разговорите напредуваат во добра насока“.Овој непланиран состанок се одржа по телефонските разговори меѓу шефовите на дипломатиите на САД, Турција и Катар, претходно во четвртокот навечер. Американскиот државен секретар Џон Кери ги повика Турција и Катар да извршат притисок врз Хамас за постигнување примирје и престанување на неговите ракетирања на Израел. Турција, којашто е жесток критичар на офанзивата на својот поранешен стратешки партнер во регионот – Израел, бара Хамас да биде вклучен во преговорите за примирје.Давотоглу во Доха се сретна и со катарскиот министер за надворешни работи Халед ал-Атија. „Соработуваме со Катар во врска со предлогот текстот на Хамас за примирјето“, изјавил турскиот извор. Турскиот премиер Реџеп Тајип Ердоган кој за себе вели дека е еден од ретките муслимански челници кои се заземаат за правата на Палестинците, го обвини Израел дека спроведува „нацистички геноцид“ во Газа. Израел и САД, кој е сојузник на турција во НАТО, ја осудија оваа изјава.Истовремено челникот на либанското шиитско движење Хезболах, долгоогодишен непријател на Израел, и повика во петокот арапските и муслиманските земји да му пружат помош во оружј ена палестинскиот „отпор“ во Газа и рече дека е подготвен да даде поголема поддршка. Хасан Насралах ги повика „арапските и исламските влада да дадат политичка, морална, медиумска и помош во оружје, секоја според своите можности“.Насралах говореше по повод Денот на Ерусалим, кој годинава е посветен на солидарноста со Појасот Газа, каде од почетокот на офанзивата загинаа повеќе од 850 луѓе, повеќето цивили. „Ние во Хезболха секогаш бевме и секогаш ќе бидеме со народот, со сите чинители на палестинскиот отпор, без исклучок“, изјави Насралах чијашто моќна милитантна група се судри со Израел во разорната војна од 2006 година. Станува збор за петто истапување на Хасан Насралах во јавноста кој се крие од војанта во 2006 година, кога израелската армија не успеа да ја неутралзиира оваа либанска шиитска партија. Денот на Ерусопалим се слави последниот петок пред Рамазан Бајрам, светиот месец на постот за муслиманите, а Хезболах оваа година го одбележува под паролата „Солидарност со народот и со отпорот во Газа“. Прославата на Денот на Ерусалима е воведена во шиитски Иран по исламската револуција во 1979 година.Иран е политички и воен покровител на исто така шиитското движење Хезболах, кој од своето основање по иницијатива на иранската формација Чуварите на исламската револуција во 1982 година, по израелската инвазија врз Либан, заговара вооружена борба против еврејската држава. Хамас, кој од Израел бара во прв ред целосно прекинување на сите водови израелска блокада на Појасот Газа, сѐ уште не одовори на предлогот з апримирјето.Според претставници на палестинските служби во Газа, во петокот е убиени 55 палестинци во Газа, додека според болнички извори уште шест Палестинци се убиени во одвоени инциднети во близина на градовите Наблус и Хеброн. Во израелските бомбардирања во текот на изминатите 18 денови од офанзивата „Линија на одбраната“ (или „Раб на одбраната“ – Protective Edge или на хебрејски „Нераскинлива карпа“) загинале над 850 Палестинци меѓу кои поголемиот дел се цивили и многу деца, што предизвикува сѐ поголема критика од меѓународната заедница. Во истиот период загинаа 36 израелски војници и три цивила, во операцијата покрената како договор на ракетирањето на Хамас на јужните делови на Израел./крај/мф/сн

Извор: Макфакс