Папата Франциск во Истанбул во неделата дека исламските милитанти прават „тежок грев против Бога“ во Сирија и во Ирак повикувајќи на меѓуверски дијалог и борба против сиромаштијата за да се помогне во запирањето на судиите во двете земји.
 

Папата Франциск во Истанбул во неделата дека исламските милитанти прават „тежок грев против Бога“ во Сирија и во Ирак повикувајќи на меѓуверски дијалог и борба против сиромаштијата за да се помогне во запирањето на судиите во двете земји.

Папата Францикс говореше во неделата кога завршува тридневната посета на Турција,којашто на својата територија згрижи речиси два милиона бегалци од Сирија, меѓу кои и илјадници христијани од кои најмногу се засолнати токму во Истанбул.

На заедничката литургија со Цариградскиот патријарх Вартоломеј Први, првиот меѓу еднаквите челници на повеќе од 300 милиони православни христијани во светот, Папата изјави дека луѓето од сите вери не можат да останат рамнодушни на лелекањата на жртвите на „нечовечното и свирепо“ војување во соседството.

„Да им се одземе мирот на луѓето, да се вршат сите видови насилства, или да се пристанува на таквите чинови, особено кога се насочени против најслабите и оние без одбрана, е многу тежок грев против Бога“, рече папата Франциск во текот на литургијата, пренесува Reuters.

Поглаварот на Римокатоличката црква по третпат во исто толку денови ги спомена џихадистичките бунтовници на Исламската држава кои ги убиваат или протеруваат од Сирија и Ирак и шиитските муслимани, христијаните и другите етноконфесионални заедници како Јазидите во Ирак или Друзите во Сирија, и другите коишто не го споделуваат нивното ултрарадикалното практикување на сунитскиот ислам.

Бројката на христијаните на Блискиот исток се намалува со децении, но во последно време дојде до масовен егзодус на христијаните особено од Ирак и од Сирија поради напредување на сунитските исламисти и особено на бруталните радикални групации како Фронтот ан-Нусра и џихадистичката Исламска држава.

Вселенскиот патријарх и Папата решително се заземаа за заштита на сите христијани кои се прогонети од џихадистите во Ирак и во Сирија, истакнувајќи дека никогаш нема да го прифатат „Блискиот исток без христијани“.

„Не можеме да ги прифатиме Блискиот исток без христијани коишто таму го исповедува името Исусово две илјади години“, истакнаа во заедничката изјава, како и што беше најавено, потпишана последниот ден од посетата на Папата во Турција во екуменската патријаршија, седиштето на Вселенскиот патријарх, пренесе AFP.

Се проценува дека во џихадистичката офанзива на Исламската држава во Сирија и во Ирак од своите милениумски домови се протерани повеќе десетици христијани.

„Многу наши браќа и сестри се прогонети и мораа под притисок да го напуштат својот дом. Навистина се чини дека човековиот живот повеќе не е вреден и дека човечката личност повеќе не е важна, и оти тие може да се жртвуваат во името на другите интереси“, истакнаа двајцата христијански поглавари во изјавата изразувајќи жалење поради „рамнодушноста на многумина“.

„Застрашувачката положба во којашто се наоѓаат христијаните и сите коишто трпат на Блискиот исток, не изискува само непрестајна молитва, туку и соодветен одговор на меѓународната заедница“, истакнаа Вартоломеј и Франциск.

Претходно на литургијата Папата спомена дека укинувањето на сиромаштијата е клучно, бидејќи затоа што таа делумно и го поттикнува „регрутирањето на терористите“.

Папата Франциск беше четвртиот понтифик кој ја посети Турција. Претходно тоа го сторија папата Павле Шести во 1967-та, во 1979 година Турција ја посети папата Јован Павле Втори а последен папа кој ја посети оваа земја беше Бенедикт Шеснаесетти во 2006 година.

Јакнењето на врските со Православната црква којашто се одвои од Рим со расколот во 1054 година беше централната тема на посетата на Папата на Турција. „Ние не сме различни религии. Ние сме браќа кои израснаа раздвоени. Но и двајцата го следеле патот кој им го одредил Господ“, изјави цариградскиот екуменски патријарх Вартоломеј Први за италијанскиот католички неделник Famiglia Cristiana, во пресрет на посетата на Папата.

Папата е апсолутен поглавар на Католичката црква, но помирувањето го отежнува фактот што Вартоломеј Први всушност е само симболичен челник на православниот свет и не може да ја наметнува својата волја на поглаварите на десетиците автокефални православни цркви.

Напорите за помирување на двете цркви започнаа во 1964 година, кога папата Павле Шести се сретна со цариградскиот патријарх Атенагора во Ерусалим и тие двајца ги поништија меѓусебните екскомуницирања. Тоа беше првата средба на поглаварите на двете цркви по повеќе од половина милениум и почеток на долгоочекуваниот процес на помирување. Годинава, исто така во Ерусалим, Франциск и Вартоломеј Први ја одбележаа педесетгодишнината на оваа историска средба.

Цариградскиот патријарх во споменатото интервју рече дека за завршување на овој процес ќе биде потребно „труд, трпение, молитви, љубов од двете страни, почитување и духот на меѓусебно посакување добредојде“.

Претходно во саботата, духовниот водач на 1,2 милијарди католици во светот, се молеше во најпознатата истанбулска Сина џамија, користејќи ја посетата на Турција да ги повика муслиманите да се спротистават на судирите во соседните земји.

„Папата Франциск сака да ја поврзе Католичката црква со мерените муслимани за да ги поттикне да пружат отпор на она што тој го нарекува фанатизам и фундаментализам. Тоа, делумно, е и поширока загриженоста за дијалогот и светскиот мир, делумно конкретна одбрана на загрозените христијани“, изјави Џон Ален долгогодишен американски известувач од Ватикан, автор на голем број книги за Светата столица и уредник на американскиот католички интернет портал Crux./крај/мф/сн

Извор: Макфакс